روان
انصدمت من دريت امي باجر تسوي عملية ...وطلبت مني مااكول للبنات ... رحت وياها ...وطبعا شاهين سويتله بلوك ...كل يوم يخابرني من رقم ولاواحد كلي شتردين ماادري ليش ...بس محد يذكرني بي يمكن خايفين تنتكس حالتي......وكل يوم اغنية ثانية غير السمعني ياها ...عود ديحجي عن حاله ...اني هوايه شغلات ماذكرتها من السواه بيه ...ولسبب حبيت يبقى بداخلي ...لان من تحجين كل شي يخف الحقد اني اريد الحقد يزيد مينقص ....
جهزت اغراض لماما ...كالو ميحتاج تبات بالمستشفى لان بناظور العملية ...٤زروف وخلاص ....
والحمدلله اقل من ساعة وطلعت ...بس بجيت من سمعتها تحاجي ابويه وتشكيله عن حالها ...الهيثم جان الموجود ...تقرب وحضني ...وهو مقهور على كلام امي ...
وعلى حالتها ...
فك البنج عنها ...للعصر مشيتها جم مرة ...والدكتور شاف الكيس الخلاها بوحده من الزروف وكال
الدكتور_الحمدلله ...ماكو التهاب وجراحة بالكيس يعني العملية نضيفة ...ثاني يوم اذا ضل الكيسس هيج فارغ ونظيف جيبولي ياها اطلعها ...واذا لا ثالث يوم جيبوها ...
رجعناها...وداريناها اني وشيماء ...
الحمدلله ضل الكيس نظيف ...العصر رحنا وطلعلها الكيس بدون بنج راد يغمى عليه ..كل ياع اسئل امي ..
روان_يعني صدك متوجعتي ...
سوريا_وججج يبو هاي صار جم مرة تسئلين لا والله ولا حسيت ...
روان_زين والزرف شون ينسد ...ولانزل دم من طلع الصونده....شنو السبب
سوريا_شدراني يمه قابل اني دكتورة...
بالليل كلهم جانو كاعدين بالهول وخالهم هم ...بعد مااتحمل اضل على ذمة واحد حقير مثله ...امي نامت ....لان تعبانه وعمليه ....
عدلت شعري وطلعت....طبعا اني قبل لاتزوج ماجنت محجبه ...بس جان يجبرني البس....واني مجنت مقتنعة ادرس هو فرض ...بس لازم عن قناعة ....
طلعت كلهم كاعدين ....جنت واكفة وحايره شلون ابلش ....
انتبهلي المهيب ...
المهيب _تعاي حبيبي شكو...
تقربت وكعدت بصف شيماء الجانت كاعدة ...
روان _بيوم الصار الحادثة ماما كالت انت رحت لشاهين. ....شصار
اتغيرت وجهه هو والهيثم ...الحمزة فات
وكعد جان بالمطبخ ...يمكن سمع كلامي ....
المهيب_جم بوكس على جم ضربه وخلاص ...
مدري ليش تخيلت صورته وهو مضروب ....حسيت براحة ...وبينت الضحكة بوجهي ...باوعتلهم يباوعولي هنه حايرين عالابتسامة
روان _مو بيومها بالمستشفى كلتي راح اسويلج الترديه ...اني خلاص مستحيل اضل على ذمة رجال مثله ...
كام الهيثم .... واترخص ....راد يروح للديوان واندارلي ...لحكيني ...
قطاعوه اخوانه
المهيب_فدوة خوية خلينا احنا هم انقدملهم الخوة ... خلي نسمع هالحقير شمسوي بيها
رجع الهيثم لمكانه
دمعت عيوني ...
روان _طبعا ....كل الصار اني استاهله ....رادو يحجون رفعت ايدي وسكتتهم ....لا جد صدك استاهل ...اني الكخنت ثقة امي ...الجانت تركض لخاطر تلم جم فلس ودزنا للمدرسة ...جنت الوحيدة اطلب هوايه ...ومن امي ترفض ....اتهمها بالتقصير واتعارك وياها لان اخذتنا من بابا ...لان اتذكر هيج لمحات صغيره عن علاقتنا ببابا ومجان يحرمنا من شي ....وهي تسكت وتسوي الاريده ...وهذا الشي خلاني اتمادى... من دخل شاهين لحياتي ...وكتها تزوجت رنيم ...وفرغ البيت لان رويم اصلا وكتها جانت وجودها وعدمه واحد لان ماتسولف ولاتسوي شي مجرد تاكل وتشرب وتدرس....
جنت محتاجة شخص بحياتي ...ماما تركض حتى توفر النا النريده ...تقربلي ...وانطاني موبايل سري ...اني حسيته صار دنييتي حسيته هذا عوض ربي بدل ابويه ...قدملي الابوه قبل الحب ....سكتت ومسحت دمعتي ورجعت كملت ...الاان رجعت رنيم وعرفنا بالسوته رنيم لخاطرنا وسبب زواجها ..مثل ماكلت وكتها جنت انانيه ..ماهتميت لشي وكملت علاقتي وياه ...الا ان كال يريد يتقدملي وكتها جنت خامس ...واروح للسادس. .المهم وافقت يجي لان اني هم ردت اخلص من هذا البيت الجنت اشوفه سبب لمصايب خواتي ماردت اني هم يلوحني حزن مثلهم ...واتقدم وماما من درت بغداد رفضت ...تعاركت ويه ماما ... وحجيت كلام وندمت عليه بعدين بس ميفيد الندم . لاول مرة ماما ضربتني ....ورنيم هم ضربتني ...بس اني مهمني غير شاهين واتزوجه ...وهنا شاهين اجا وكال لماما لخاطرها راح اسكن لخاطرها هنا هو جان مفهمنا بس عنده اخت ...وحجيتلهم مختصر عن الصار ...وشهكت ..لان تعبت واني اريد احجي لشخص عن معاناتي ...بس ماتعمقت بالاحداث
