رنيم
صار سكوت ...
عمي جاسم _ها زكية ليش سكتي ...بوية سارة جيبي القران ...
قاطعته عمه
ام غريب_ماكو داعي ...اي اني اكرهها لان مطلكة وبنت وحده من زواج بالسر ...
صاح بيها عمي
جاسم _وزني كلامج زكية ....لاتخليني بعد هالعمر كدام ولدج وجناينج اهينج ....هي دمعت ....انقهرت عليها ..بس هي الندكت بيه ..
غريب_بوية شنو هالحجي ....امي غلطت .....واكيد بنت عمي مراح تشيل عليها ...مو بنت عمي
اخذت نفس ...
رنيم _وحق الله مااريد مشاكل ....اريداعيش مرتاحة ....عمه بس باوعيلي ...انسي اني مطلكة وبنت سوريا ...من يوم التزوجت ياسين ...صح ماصار هوايه ...بس قبلهاهم جنت ببيت اهلي ...شفتي مني شي مو زين ...
زكية _لا ...جاوبتني ببرود ....بس مردت ابني المهندس يتزوج مطلكه...
استغفر عمي بصوت عالي ...
ياسين _يمه سكتت من اول الكعدة ...يمكن الي ذنب بالديصير هسه ....المفروض من ادري انتي مترديها مااخليكم بمكان واحد ..
زكية _شقصدك ...
ياسين _قصدي بعد رنيم...متجي لبيتكم غير رجلي على رجلها ...ومحرم تكدر تكعد ببيتها ...
جاسم _بوية شنو هالحجي ...
ياسين _احسن حل بوية ...
عمي اندار على بناته ..
جاسم _وانتي وفاء ...من اليوم ترجعين لبيت رجلج ...ماعدج كعدة ببيتي بعد ..
وفاء_بويه شتحجي ...اني كلت لمحمد ابقى اسبوع شكله هسه. ....
جاسم _مشكلتج بويه ...مدام هالكد تعرفين تجذبين متاكد راح تلاكين جذبة لهاي السالفة هم....سامحينا بويه رنيم ...
لزمت ايده وبسته ...
رنيم _انت بمكان ابويه...لاتحجي هيج عمي ...
باس راسي ...
جاسم _بوية غريب وصل وفاء لبيتها ...وبعدين رد...
غريب_على امرك بويه ...يلا ..
وفاء_الله ياخذذذج ...
ياسين صاح بيها ودفعها لبره...وللللييييي ...
زكية _عفية عليك...ياابني اطرد خواتك لخاطرمرتك...
جاوبها بهدوء_لومرتي مسويه السووها جان بنفس اللحظة طلعتها من حياتي .
طلعو وهمه يباوعولي بحقد...سارة اشرتلي اهدي ...وراحت ...
رنيم_وين الجهال...
ياسين _نايمين ...مجاوبته ...مشيت على كيف ...محسيت غير شالني ...لاباوعتله ولاحجيت ...نيمني عالجرباية ...وباس راسي ...
ياسين _سامحيني ..
اخذت نفس ...ودرت عليه
رنيم _مو ذنبك ...ذنبي لان سكتت كلت مااريد اسوي مشاكل بس معبالي توصل لهنا...
باس راسي ....
ياسين _شون صرتي...
رنيم _عندي ...وجع ..فز
ياسين _ملازم انطيج علاج ..الا تاكلين شي ..هسه اسويلج شي سريع ....وتاخذين الحباية وترتاحين ...وهااا باجر بيت اشجد مناد الجهال يجون وياخذوهم ...
هزيتله راسي ...
جابلي لفة جبن ...وحليب ...بسرعة كملته واني ميته وجع واخذت الحبايه ... لازم كل يوم اروح يم شخص يعرف بالحرك ....ويداويه ....
ثاني يوم الصبح ..اندك الباب ...ياسين راح يفتح ...وشويع فات ...
ياسين _تعاي البسج شي اهلج اجو...
لبسني دشداشه ...نص ردن ...
وطلعني ...استحي يشيلني كدام احد حتى هو يستحي. ...
من شافوني اخواني اول واحد المهيب وصل يمي ...وحضني ...فدوة شكد تشوفيه عصبي بسبب شغله كد ماهو حنين ويانه احنا البنات ...
رنيم_يعمري ...مشتاكتلك ... صار جم يوم مااشوفك ...
المهيب _جنت بالدوام كلبي ..بيه ولابيج ...
خليت ايدي على حلكه...
رنيم_اسم الله عليك حبيبي ...
