روان
بس شافت ماما ركضت وضربتها وتسب بيها وبشرفها هنا اني تخبلت ...ركضت اجرها من حجابها بس وين اني وماما كتاكيت بالنسبة الها وشيماء ...وام هيثم ...تصيح ...ماحسينا غير بصرخة واحد وانداريت ..شفته عمو ياسر ...ومن شاف ماما واكعة بالكاع ...وهي تبجي ...جر هديل من شعرها ...ودفعها ...راسها انضرب بالحايط ...بس وين هالفيل تحس لا والله كامت وهي بعدها مقاومة ...
هديل اي ادافعلها ام الزلم ...
عمو ياسر وخرنا وكوم امي وتخبل من شافها تبجي ووجها كل خدش من اظافرها ...ماما متحملت دفعته وفاتت للغرفة ...ردت الحكها شفت الباب مقفول ...تخبلت رجعت عليها
روان _ماكو غيرج ك... وام دودة ...حيوانه ...جنج فيل وتتهجمين عالعالم ...لو بيج خير
صاح بيه عمو ياسر
ياسر _رووووااان ...امج ماربتج تسبين بالعالم ...انا الراح اتصرف ...جر هديل وذبها بنص الهول ...ودك على اخوها يمكن ...هي من شافته يخابر كامت وهي خايفة
هديل _عفية ياسر ...شتسوي ...لافدوة لاتخابر سعد والله راح يطيح حظي ...باوع عليها عمو لو النظرة تكتل جان انكتلت هديل
ياسر _لو اخوج رجال يسويها ...بس هو لو رجال جان عرف اخته وين تروح ووين تجي ...هااا الو ...هيه تجي لبيت المرحوم مقدام ...اي تعالو لمو اختكم التهجمت على زوجتي ...والله لو صاير بيها شي موتكم وموتها جان على ايدي اي اهدددد يلاااااا تعالو اخذوها لااحؤكها كدام عيننننكم
هي كعدت تتوسل بكرجية ...الكعدت وهي متجيه على عكازتها ....وعيونها المكحلة ...من تعصب يبين من عيونها ومن تفرح هم يعكس عليها ...
سمعنا صوت سيارة ...
راح ياسر ...شويه وفات صاح بيها ...وجرها من ايدها وحجابها لبسته ....اخوها جرها واعتذر من ياسر وراحو ...فات ركض وهو يدك بالباب
ياسر _سوريا كلبي ...افتحي الباب ...
ماكو بس نسمع صوت بجيها ....عصفورتي البريئة ...بس احجي وياج واعوفج ترتاحين ...سوسو يللاااا لاتتدلعين ترى كلبي خلصان ...تننهد بتعب ...وعافها براحتها ..باس راس اخاه ووصانا عليها وراح ...شكد احب حنيته وحبه لامي ....المفروض باجر الزفة بعد ماادري شنو قرار ماما ...هن بس بيناتنا يسوي عزومة للعمام وخلاص ...
طبعا بطلب من امي لو على عمو يسويها بقاعة ويلبسها فستان عرس ...
***★*****★*****★****
بعد ماكملت الامتحانات ...كدرت شوية اخذ نفس ...
ورجعت اهتم بالبيت والاطفال اني احب اسوي المعجنات والحلويات بس بصراحة ماالحك. ..فاطلب من فد بيج جربتها شغلها نضيف وطيب ...والكبب والدولمة هم منها بس اكل اليومي مثل تمن ومرك اسوي ...لان حتى لو عطلة ادرس والاطفال ماالحك ....
ياسين_رجع وصاح بصوت اوووويلي اليوووم دولمة ...
اتقرب ووخرالقبغ وهو يشتم .... ادخ على هالدولمة ...صدك حلال عليها الفلوس ...
هو هيج طبعه ...من يوم الكملت امتحان بس يريدله موضوع حتى اشاركه الحجي ...
مجاوبته راح كعد عالكرسي ...
ساسين _وين الجهال ...
جاوبته واني اسوي حمص بطحينيه الجهال يحبوها وياسين هم ...
رنيم _ملوكه نايمه ...والجهال راحو لبيت عمو ...ابو كرار اخذهم ...
ياسين _اممم زين ... انشغل بالموبايل ...سمعت شغل اغنية محمد عبد الجبار
راح اسجل روحي باسمك
حتى اضل كل عمري يمك
انت بس خليك يمي
خلي انسى وياك همي
اني حاير وين اضمك
عيني انت وروحي انت ودمي دمك
اتمنى تدري انت عمري وحلمي حلمك
ادعي لربي يحفظك ليا يالغالي ويسلمك
كلب زادت دكاته من تقرب وهو يغنيها وياه ووكف وراي وخر فتح شعري الجنت مسويتها كبة ...
ووخر شعري على جهة وباس ركبتي ..جسمي كشت ...
وانداريت بس اتهرب بنظراتي ...مااريد اباوعله واضعف
رنيم _شتسوي ياسين ...
ياسين _انا عايش عمري لاجلج
ولاتضن بيوم ازعلك
المهم عندي انت ترضى
وماتفارك عيني لحظة
مرة ابوسك ومرة اشمك ...
تقرب ونفذ الكاله...
وبادلته ...وضعفت كدامه ...وجر ايدي بس مبوكه بجت ورجعتني لوعي ...عفت ايده واني الوم بروحي وركضت لبنتي ....ماانداريت عليه
**★*******★******★******★
سوريا
كرهت روحي ...هذا اللقب راح يضل مرافقني ..واخاف بناتي هم يلوحهن خراب من ورا هاللقب بواكة الزلم ....تندمت لان قبلت اتزوجه ...مااريد العالم تنظرلي دائما هالنظرة ...شنو ذنبي من انجبرت اخذ واحد ولاادري بي متزوج ...شنو ذنبي ياسر حبني وطلك زوجته ...وقبلت بي ...قبلت بي وهو منفصلى...وماكو شي يجمعهم غير سنوات زواجهم ...الي الكل يحلف جانت كلها مشاكل ...ليش لازم اللوم يوكع عليه اني بكل مرة ...مرة اتندم لان قبلت بي ...ومرة اكول لااني هم استاهل افرح بحياتي حتى لو لجم يوم ...
باوعت على روحي ...هدي مخرمش ...وشعرى تكطع بايدها ...اعترف اني ضعيفة وجبانة بهيج اوقات ...ومن شفته شفت بي السند والظهر ....وردت اختلي بروحي واشوف قراري صح او خطا ...باجر زفتنا ...خوف مسيطر عليه عبالك اول مرة الي ...ملامح الخوف المرسومة بوجهي ...ولاعبالك متزوجة قبل وعندي بنات بطولي ...ياسر وكلامه يرجعني لعمر المراهقة وعبالك اول حب وزواج بحياتي ....
للظهر على دكة الباب وصوت الهيثم حمزة طلعت ...
فتحت الباب وسمعت شهكة شيماء ..
شيماء_وج شصاااار بيج ...وشلون وباجر العزومة ...
الهيثم _ادري انتو وين جنتو من هجمت عليها
الحمزة_شبيك خوية وهالثور منو يكدرلها ...الله يساعد خالك شلون جان متحملها ...
كرجية _اي والله يمه مرمطتت اخويه من الله لايوفقها
سوريا_لايمه ...ترى حقها ...شلون ماجان صعبة وهمه بيناتهم عشرة وتعرف طلكها لان حب غيرها
كرجية _لا يمه ماحبها بيوم انا الكيت هديل اله ..هو وافق لان بس جان يريد يستقر تالي لااستقر ولاارتاح ....
شكد جنت اكوله اتزوج الثانية جان رافض جان يكلي هي هالوحدة وكاره روحي مو عاد اجيب علة ثانية لروحي ...
اندك الباب ...راح الحمزة ...وفات ياسر وياه
ياسر _السلام وعليكم
ردواه واحس بنظراته عليه
ياسر _اليوم بيتكم منور ...وان شاءالله باجر هالنور يحي لبيتي ...
الهيثم _شبيك خال ...لاتخجل ولاتسحتي وتكول احنا كاعدين ...
جاوبه وهو يضحك
ياسر_اني عشقتك واخذت قراري
فلمن اقدم ياترى اعذاري
لاسلطة في الحب تعلو على سلطتي
فالرأيي رايي والقرار وقراري
الحمزة _الله عليك الله عليك ياياسر القباني
