جازفت بسمعتي بعشرتي وياك
هملت اسمي ودست فوك التقاليد
مونفس العمر بس جنت اداريك
ماحسستك بفرق المواليد
غير الياهلا شمسوي وياك
بمحنه وصوت دافي احجيه تجويد
واخذهن مني لك ماريدهن روح
واعتذاراتك ورا السويته متفيد
حسبالك كبل وافتحلك الباب
ماتنهي الزعل بتكبيرة العيد
**★****★*****★****
روان
خوف وقلق متربع بداخلي ...شون راح اباوع بوجه امي ...بعد كل كلامي الها بذاك اليوم المشؤوم ...
اندار المهيب
المهيب_اي رونه .. شونج ...
ابتسمت وجاوبته
روان_صرت زينة بشوفتكم ... يمتى لكيتونا ....
الهيثم_رلح يصير اكثر من سنة....
حجيت بداخلي ...لو يدري كل كلامي لامي وخواتي بذاك اليوم بس حتى مايوصل شاهين الهم ويكللهم عنا ...زين شونهم ويه اهلي حبوهم ....لو امي رويم ...عزه معقولة عرفو عن رويم ....
وصلنا لبيت جبير ...بلعت ريكي واني خايفة من المواجه ....باوع للبيت وصافنة بقلق ...لحد ماحسيت الباب انفتح نزيت ...وباوعتله الهيثم يباوعلي بقلق ....
الهيثم_نزلي روان شبيج ...
بلعت ريكي ونزلت دموعي ....
روان _لا ..لا ...عفية رجعني لبيت رجلي ...مااكدر ...مااكدر اباوع بوجههم ...
اتقرب مني
خلى وجهي بين ايديه ...
الهيثم _ماكو ام ...تزعل او تشيل بخاطرها على بنتها ...لاتخافين امج حالها ميسر على فراكج ...متخيلة راح تتذكر كلام كلتيها بلحظة غباء وغضب...
شهكت ...واني اباوع بوجهه...
روان_يعني مراح تلومني ...
الهيثم _ابد يلا كلبي .. .
نزلت وياه ...والمهيب منتظرنا يم باب المدخل وشايل جنطتي ....
فتح الباب بالمفتاح ...اسمع صوت ناس جوه ...دخلت بخطوات هادئة وداخلي يهتز ...وهنا اسمع صوتها
سوريا _يلا ماما رويم .... روحي صيحي رنيم ..
اندارت باوعتلي بصدمة وكع منها الصينية الحانت بايدها ...وهي ممصدكة اني كدامها
سوريا_روان ...بنتتتتتتي ...اسمي بهالنبرة ...بينتلي شكد جنت حقيرة كدام امي ...حضنها الحضنتني ياها ولاكانو اني جرحتها ... ودموعها التحجي عن حالها بغيابيي ...
روان _ماما ... دموعي المستمرة ...وشهكاتي الزادت ...
ماما ...مشتاكتلج ماما ... فدوة سامحيني ..ماما فدوة
سوريا _شششش ...هسه ردتلي روحي ...
رنيم _رووان ...
فتحتلي حضنها ...ركضت بسرعة حضنتها ...
كتلها بهمس
روان_سامحيني ...
رنيم _انجبي ....اصلا ولااتذكر شكلتي ...
انظاريت لرويم ...ورحت حضنت توأمي ...كلتلي
رويم _طول الوكت احس بوخزة بكلبي ...عبالي مريضة بعدين عرفت هالوخزة مو لان اني مريضة ...لا لان انتي بيج شي ...مو اني ...
روان _جنت مو زينة بس هسه صرت زينة ...لان مشتاقة لحضنكم ....
انداريت جم نسوان واكفات يباوعون وجم طفل هم .....
سارة _ها يخوي جبت الثالثة ...
الهيثم _شيماء ...سوي شوربة دجاج بلازحمة ..روان تعبانة ومحتاجة ترتاح...وانت يالمهيب ....روح جيب كبد مشوي ...
سوريا_ليش ششببيها بنتي ...اجت عليه تتفحصني
يمه شبيج شصايرلج ...
دمعت من تذكرت ابني ...
روان_اليوم وكعت وخسرت ابني ماما ...
سمعت شهكت رنيم ...واجت بصفي ...
رنيم_يعمري ....الله يعوضج يكلبي ...حاسه بيج ....
سارة _هاي شنو مصيبتها ما شاءالله بنات سوريا كل وحدة مصيبة ...
مجاوبها الهيثم _روان يلا حبيبي فوتي ارتاحي ...رنوم اني وريمه دخلوها ترتاح ....فوتوني لغرفة بيها ٣جربايات ...نوموني على وحدة ...كولش حاسة بوجع ...بس ساكته مااريد اخوفهم عبث ...
***★********★****
سوريا_الهيثم ...ممكن شويه احجي وياك ...
هزلي براسه وفتنا للديوان ...
تونا كعدنا وانفتح الباب ودخل المهيب ...
المهيب _مرت ابوي السر العندج ويه الهيثم .... صار عندي علم بي .... شفتي نهاية ضعفج وغبائج وين وصلنا ...الهيثم صاح بيه
الهيثم_انجب ....شون تحاجيها هيج بكدك هيه حيوان ...
المهيب_كول كول الي ..انت ممحملها الصار بيهن ...الصار مو بسبب غبائها ...لو مانهزمت حان صار هيج ببناته ....
جاوبته بهدوء
سوريا_واذا مارحت ...وظليت وامكم نفذت كلامها
