رنيم
طلعت واشوف نفس الرجال الاجه ويه ام الهيثم بيومها والهددنا ...تقربت لامي ...اكعد بيها ....جابتلي سماء كلاص ماي ارش على وجهها واباوع للرجال ...عيوني راحت الهيثم اليباوعلي باستغراب ....كعدت امي ...نزلت دموعها وتباوعلي ....تريد واحد يطمنها ...حضنتها وهمستلها
رنيم_شش ماما اهدي لاتنسين هسه احنا مو مثل قبل هسه عدنا بدل السند ٣...ششش يكلبي ...رفعت راسي لاخويه ...عفية ماما تعبت من الطريق ويجوز ضغطها هبط ...عفية وين راح نبقى ...كومت امي وكعدتها عالقنفة الي بالهول ...والرجال مصدوم وواكف بمكانه ...ماادري خايف لانحجيلهم لو مصدوم لان لكونا ....
طلعت كرجية ...
كرجية _فوت خوية ياسر ...واخيرا عفت الغربة ورديتلنا ...تحاضنو ..واني اباوعلهم بحقد ...اختفى صورتهم كدام عيني واجا صورة الهيثم الوكف كدامي ...وهو يباوعلي باستغراب ...
الهيثم _خوية سما ....جيبي لسوريا شي يعدل ضغطها .....عليا اهتمي برويم ...
سماء وعلياء_بعيوني ...
جرني من ايدي ...وعدينا امه وخاله ....واباوعله بحقد ...نزل عيونه ....
دخلنا لغرفة الضيوف ...
الهيثم_هووو ...
باوعتله باستغراب ...
الهيثم_هو الجان ويه امي بيومه.....
بلعت ريكي وردت اكول لا.....لان عليا كالت راد يسمي ابنه على اسم خاله ياسر بس بعدين سماه على اسم بابا معناها متعلق بخاله ويحبه ...
الهيثم_ديري بالج تجذبين...راح تشوفين واحد غير الهيثم الشفتي الايام الفاتت ...انفتح الباب اثنينا اندارينا واشوف خاله ياسر فات ...
ياسر _ماكو داعي تستجوبها ...تعال الي وانا اجاوبك ...تعرف خالك ميجذب عليك...اي يالهيثم انا الرحت ويه امك وانا الاخذتهم لكركوك.. تقدم هيثم منه ..وضربه بوكس شهكت ...وخليت ايديه على حلكي ...ضرب بوكس ثاني ....بسرعة لزمت ايده ...
رنيم _وعدتنا محد راح يعرف بالصار ...
اندك الباب ...الضاهر من فات ياسر قفلها....
ياسر _متندم وروح امي وابوي متندم ...
لزمه هيثم من ياخة القميص
الهيثم _متندم ...كتلي متندم ولك ياحقير خواتي ضاعو من وراك ...ولك ابوي مات بحسرته ....مستحيل انت خالي الاحترمه وتمنيت ولدي يصيرون مثلك....
ياسر _وحق الله من يومه مامتهني ولاكدرت امشي حياتي ....وعفت شغلي ومركزي وسافرت لان. شفت روحي مااستحق اكون ضابط ...
دفعه اخويه...
الهيثم _فعلا ماتستاهل ....من اليوم انت لاخالي ولااعرفك ..وحق الله اذا وصلت لامي الحجي الصار بيناتنا ...لاتلوم الا روحك ...امي مراح تعرف انا اعرف السوته ...فهمت ...
