روان
من ضربتني ماما الراشدي ...فزيت ..وهدئت شهكاتي حضنتني لصدرها ...همزين محد حس من الولد
من هدئت وخرتني عنها
سوريا _شصار ....
روان _رب العالمين اهذ حقي ماما ...
مافهمت كملت كلامي
روان_شاهين محبوس ماما ...
باوعتلي بصدمة ....وسئلتني شلون وليش
روان _مواجه رؤيا وطاردها ..وذيج مشتكيه عليه وحبسوه ..
سوريا _المثل شاهين صح الغلط راكبه من راسه لرجله بس هم مرات تنطيه عذر هو تربى وهو يسمع عن خيانة ابوه لامه وحتى وفاتها السبب من قهرها ...وتالي هم ظل تحت ايد رؤيا السممت عقله اكثر حتى مااعرف لاي سبب ترئ روحها لو تنتقم من اختها ....لحد هاللحظة مااصدك جانت تخون باختها ويه رجلها ...الله يبعد عنه هيج اشكال ...
روان _هزيت راسي ...شاهين يستاهل عقاب اكثر من هيج عالسواه بيه ....
****"”**★******★****"
رويم
يوم عن يوم خايفة من مواجهة هذا الوحش ...اي اشوفه وحش لمحرد هو اخو ذاك الحقير ....اكيد هو هم نفس الاخلاق ...بس مرتين اجا ...مرة من عقدنا ومرة من جابلي فلوس المهر .... وبالمرتين ميباوع بوجهي ...ولااريد يباوعلي مااريد يباوعلي ملامحه تذكرني باخوه ...غمضت عيوني من انفتحت الباب ...
رنيم _اششش رفوفه رويم نايمة ...يلا تعاي نامي انتي وياه ...لحد مانشوف نهاية مراهقة امكم ... كال عبد زواج كال. .. ادري تخلفون وتذبون عالعالم ..
احمد_خالة عيب ...الا اكول لماما وبابا...
جريته من راسه
رنيم _خاب انطمر يعلمني العيب ابن سما ...
بعد فترة سمعت صوتها. ..
رنيم _ادري مو نايمة ...واذا اكو شي تريدين تحجيها الي اني جاهزة ....
جاوبتها بدون ماافتح عيوني ...لاماكو شي حبيبتي بس عندي ارق . ...
رنيم _تحبين نطلع للحديقة ..
روايم _لاحبيبتي ...مالي واهس. ..انتي نامي. ....
رنيم _ماشي كلبي ..
فاتت روان وامي هم ... امي تفرش بالكاع وروان على جربايتها .....
******★""******★******
سوريا
جنت متمدةة وخوف بكلبي ....من كلام ياسر ...احس كل العالم تعرف بالكلام الكاله الي ....
اليوم اجا ...وطلب السماح من ولد اخته ....
اني جنت واكفة بالحديقة من حسيت بشخص وراي فزيت وانداريت ....شفته واكف يباوعلي بنظرات مدري شلونه ...ردت امر من يمه وكفني ...من حط ايده كدامي ...فزيت ورديت لورا ....باوعتله بعصبية واني تذكرت اليوم الدمرت بي حياتي بسببه هو وكرجية ...حاجيته بعصبية
سوريا_وخر من طريقي لاااصيح والم العالم عليك ...
ياسر_بس لحظات سوريا ارد احا... قاطعته ..
سوريا_ام رنيم... رفع ايده دليل عالاستسلام...
ياسر_بس دقايق ام رنيم احاجيج ...
جتفت ايديه ...وهو راح وكعد عالثيل ...ورجع ايديه شويه وهو متجي على ايديه ...وبده يحجي جان عمري ٢٤ تقريبا ...كملت كلية عسكري....جنت فرحان برتبتي ...ومحد بكدي احس مالك الكون .....كرجية مو بس اختي ...هي امي الربتني وكبرتني مثل ولدها وبناتها ...امي توفت من جابتني ....هي الدارتني وكبرتني ...لو تكولي الحليب اسود اكول اسود لو تكول ياسر موت اكول روحي فداج ....اجتني تريد انقذ زواجها السنين محافظة عليه ...وحجتلي من امج راحتلها وانتي شكد ملعبة ....صعد الدم براسي ...وردت اطيح حظج ...وانتقم منج ...لان تقربتي لشي يخص اختي ....
وصار الصار ...بس الصار من فتحتيلنا الباب ...وشفتج ...وشفت الخوف بعيونج ...تمنيت لو مشايف هالعيون ...تمنيت لو ماجيت ويه اختي ...من عفتكم بكركوك ...عفت كلبي وياج سوريا ..فتحت عيوني مصدومه ...اي ...لتباعين هيج ...بهالكم لقاء حبيتج ...وكلما جنت اجي لمقدام واشوف لهفته عليكم اكره روحي ...عفت رتبتي ...لان شفت مااستاهلها ...عالسويته بيكم ....طلعت لاوربا ...كافحت وحاربت حتى احصل الجنسية والاقامة ...ضليت جم سنة مبتعد ...لان مااريد اشوف نضرات مقدام وهو عينه عالباب ....ولا اشيل روحي واجي لكركوك حتى بس المحج ... وتزوجت بس حتى ...قاطعته ...
سوريا_خلصت اللحظات ياسر ...ايمعني زين وكلامي حطه ترجبة وخليه باذنك ....لو انت اخر واحد بالدنيا مراح اتزوجه ...لليوم من اتذكر الثار اكرهك بالزايد ...هاي اولا وثانيا مستحيل اتزوج بعد مقدام ...بعد مقدام ماحبيت ولاراح احب ولااتزوج ...ثالثا لا يلدغ المرء من الجحر مرتين ...واني مرة انجبرت وتزوجت كتزوج ...مستحيل شي بالدنيا يجبرني اتزوج واحد متزوج مرة ثانية ...انساني والتفت لحياتك ...قاطعني ...
ياسر _انتي حياتي سوريا ...
سوريا _دير بالك على زوجتك واطفالك ...قاطعني
ياسر_ماعندي اطفال ...زوجتي ميصير عدها ...
سوريا_الله يرزقك الذرية الصالحة وارجع اكلك اني ماافيدك ....وحياتي مرهونة بسعادة بناتي ...مااريد شي بعد بس اشوف بناتي مستقرات ...
حسيت بكلبي اليدك سريع ...وعبالك بعده ياسر كدامي ...ليش محد يفهم ...جبي لمقدام مستحيل تنتهي ....
غمضت عيوني ....
كعدت الصبح البنات نايمات ... باوعت للساعة هسه وكت طلعة الهيثم ...لبست حجاب وطلعت بسرعة جان راح يطلع صحته ...اندارلي
