حين اصاب السهم قلبي لم امت ...
ولكني مت حين رأيت من رماه
****★******★*******
روان
تمر الايام ....واكره روحي اكثر ....صرت لعبة بين ايده ....المخليني اتحمل هاي العيشة شغلتين اول شغلة سجى الصايرتلي درع للدفاع ....والسبب الثاني متاكدة ماما راح تلاكيني .... فات وهو سابح ....يباوعلي بضحك ...يريد يذكرني كل يوم اني لعبة بين ايده ....
راد يحجي واندك الباب
شاهين_فوتي ...
فاتت سجى
شاهين _فوتي كلبي ...ولاباوعتله ...رورو يلا تاخرتي اليوم ...
روان _جايه كلبي ...
عافتنا وانداريت عليه
روان_تستفزني ....لان بعدتني عن اهلي ..على الاقل مجبورة ابتعدت وبعدتهم عني تحت ضغط وتهديد...بس باوع ...باوع لاختك البعدت عنك وماتشوفك اصلا ....وبرضاها وانت ماتعرف شلون تصالحها ....وراح تموت حتى ترجع وياك مثل قبل .. امممم اذا تريد تصالحها اني اكدر اساعدك ....
باوعلي ...وعيونه بي الف كلمة وكلمة ...
شاهين_ششون..
روان_ججججج شاهينو ..كل شي اله ثمن ...
باوعلي باستحقار ..
شاهين_هي ماخذه موقف لخاطرج ..وانتي تردين فلوس
روان _مو مهم تعلمت منك كل شي بهالدنيا اله مقابل . ..واني ممحتاجة فلوسك اليسمعك يكول ملياردير ...المهم المقابل احاجي امي ....
ابتسم ...وجرني من شعري يقربني من وجهه ...
شاهين_على كولتج حلم ابليس بالجنة ....اخليج تحاجيها ..
فكيت ايده من شعري ...وحركت جتفي بلا مبالاة براحتك حبيبي شاهيني .....يلا اروح اسوي الريوك واساعد سجاوي ...
طلعت للمطبخ ....واشوف الحية كاعدة ...
رؤيا _الله لاجابج . ....
شاهين _صباح الخير ....
رؤيا_صباح الخير وليدي...تعال تعال اكعد بسدي .....
عيونه على سجى ...وتجي عليه ...باوعتله ابتسمت باستفزاز وتقربت من سجى ...وبوستها هي تفاجئت حقها. ...عبالك مخبلة ..
روان _روحي كعدي وارتاحي كلبي اني اكمل ...من اروح فدوة لهذا الوجه الحلو قمر ياناس ....خجلت وضحكت وهزت براسها .....
سجى _لاشعندي كلبي ....لادراسه ولاصخام على الاقل التهي من الاشكال المتعجبني ....
شاهين _سسسسسججججى ....ساكتلج صار جم يوم ...احترمي ..
سجى _تدرين شغلة انتي كملي من يتريكون ويطلعون صيحيلي نتريك سوه ...
هزيتلها راسي ذبت الخاشوكة بقوة ..وطلعت بتأفأف
