سوريا
من شفتها بحضن المهيب لاايد ولارجل ...احس بعد رجليه متحملني...لزمت الحايط لااوكع ....حسيت شخص لزمني شفتها شيماء ...
شيماء _خاله كومي ...هي هسه محتاجتج محتاجة لقوتج مو هالضعف ...اندارلي الهيثم ...
الهيثم_يلا سوريا بسرعة راح تروح منا...شيماء جيبيلها عباية بسرعة.....
عافتني شويه وحسيت خلت العبايه على راسي ....
لزمني الهيثم ...بالكوه كدرت امشي. ...ضليت اردد
((اللهم اني لااسئلك رد القضاء ولكن اسئلك اللطف فيه ))
ضليت ارددها لحد ماوصلنا المهيب كبل شالها واخذها بسيارته ...وصلنا وبسرعة نزلنا شفناه كدام غرفة العمليات ....
المهيب _دخلو يسوولها غسل معدة .....
ضليت ادعي ودموعي تجري ....ربي بس هن الي بهالدنيا. .. انحرمت من روحي لاتحرمني من بناتي ...ربي والله مو حمل اخسر وحدة منهن ...اموت مااتحمل ...
شفت الهيثم ....يحجي بصوت عالي ...
الهيثم_وانت شدراك راح تسوي بروحها شي ...تقربله المهيب ...
تقرب منه اني هم. ..سئلته منو التحاجيه
همس شاهين ....فقدت اعصابي ...واخذت الموبايل منه ....
سوريا_اسمع ياحيوان بس تطلع بنتي بالسلامة ...راخ تجي وطلكها ...لو اخليها تقدم بيك بلاغ اخلي الباقي من عمرك ابوس الايادي بس حتى تطلع ...
شاهين _بس كوليلي شونها ...
قفلت الخط...
الهيثم_يعني حتى هي ممرتاحة ادري ياسوريا اريد فد وحدة منهن عاشت بسعادة ...
ابتسمت بقهر
سوريا _مو يكولك حظ البنات نفس حظ الام ...وهاي حظ بناتي نفس حظي ....
المهيب _الحيوان اني اله ...
طلع بسرعة شفت الهيثم ساكت...
سوريا _مراح تلحكه ....
مجاوب وراح يم غرفة العمليات ...بعد فترة طلع الدكتور
رحتله بسرعة
الدكتور _الحمدلله بسرعة جبتوها .... بس اني راح ابلغ عنه لان قضية انتحار ...
راح الهيثم وياه واني سجدت شكر لربي لان ماحرمني منها.....بعد شويه دخلوها للغرفة ...رحت الها بعدها مو واعية ....بست راسها...ادري هوايه ضغطت عليج...من وراي هيج سويتي ...الله ياخذني ...دخل الهيثم ...وهي وعت ....من شافتنا نزلت دموعها ....باوعت لاخوها ...
وحجت بتعب
روان_م رتتيين ممن ووررااه اننسسسسى رربي واغضضضبه...فتحت عيوني مصدومة يعني نو اول مرة تحاول تنتحر ..شفت الهيثم قابض ايده والعصبية مبينه بوجهه...تقرب باس جبينها ....
الهيثم _ماعاش اليأذيكم واخوانج يشتمون الهوى ...ارتاحي ...انت تردين الطلاك ...لو جرة اذن ...
بلعت ريكها وحجت بتعب ...
روان _اررريييد اطلللك واخللللص مممنه ...
الهيثم _الترديه يجرالج .. ...
اجا الضابط ...واخذ اقوالها ...كالت مااعرف ليش شكد راد يخليها تحجي ...كالت اعصابي تعبانة ... والدكتور جان موجود وطلب منه نراجع بيها طبيب نفسي ....
طلعنا ....وصلنا للبيت اول مادخلنا ...مااشوف غير وحدة هجمت عليه وتصيح ...
_ياهجامة البيوت مايكفي هجمتي بيت حماتي ..هسه جايه تهجمين بيتي يابواكة الزلم ...دفعها الهيثم ...
الهيثم_وزني كلامج مرت خالي لااهينج ...واكف بعيني خالي ياسر ...
باوعتله بعصبية ....
هديل_ادافع عنها يالهيثم ...ادافع عن وحدة هجمت بيت امك وجايه تهجم بيت خالك ...
الهيثم _هي ماعدها ذنب خالي ياسر هو اجا وخطبها مني .....واني سكته وخلصت القصة هي اصلا ماتدري ....
شهكه طلعت من ذهب ...
ذهب _عززززا النوبه لفيتي على خالي ....
