رنيم
مرت الايام وبطني يكبر ...وخوفي هم ...جهاد صايره تصرفاته تخوف ...دائما نظراته على بطني ... وكلها حقد ولاعبالك طفل .... واني صار لازم اثبت لياسين انو اكو شخص يقرا براسه ....جود حبيب امه ..دائما يلزم بطني ويبوسها ...عرفت راح يجيني ولد .... اتذكرت ابني الماتهنيت بيه .... دعيت ربي يحفظه الي وماافقده مثل ابني البكر ... المااعرف شنو اسمه ...بس اني سميته على اسم بابا بداخلي ...مقدام ...يااارب تسعده وين مجان ...ومايشوف اذى ...
انفتح الباب ودخل ...وهو بعده شايل بخاطره من يوم الاتهمت بي جهاد ...واني هم لان بصريح العبارة كلي متندم لان اخذتج ....
ياسين _السلام عليكم ...ركضوله الجهال
جاوبته ببرود ..واني اكمل الغده ...
جهاد _بابا همزين رجعت صار شكد نكول لماما جوعانين متقبل تنطينا اكل ...شهكت وانداريت عليه من سمعت كلامه
رفعت عيونه على ياسين ...الشفت بعيونه الاشمئزاز عليه
ياسين _تعالو بابا اخذكم اوكلكم بيتزا ....
كامو يكمزون واني نظراتي على جهاد ...معقوله هذا جهاد ابني العاقل ...متعلم الجذب
ياسين _بابا روحو لغرفتكم راح اجي ابدل ملابسكم ...
ركضو ...باوعلي واتقربلي طفى جوه الاكل لزمني من ايدي قوي ...
ياسين _اكدر اعرف سبب تصرفاتج
رنيم_معقولة تصدك بكلام طفل ....مااصدك انت نفسك ياسين الحنون الحبيته
ياسين _ولااني اصدك نفسج رنيم الحبيتها واني متيقن مستحيل اندم ...لان اعرف انتي فاقده ابن ومستحيل تبعدين جهالي عني وتحاربيهم ...دفعته وصحت بي
رنيم _كاااافي كاااافي ...تعبت من اتهاماتك ...كتلك اكو من يقرا براس ابنك ...بسسسس انت ماصدكتني .....لهنا وخلاصص اني الراح اعوفك ...وروح طلكني واتزوج وحده من خالاته مثل ماكلت قبل فتره ...هو وو اني صوجي لان فتحت كلبي للمرة الثانيه ...لان جنت واثقة بيك ...بس طلعت ماتفرق عن عادل بشي ...
لزم حلكي بسرعه وهو يهز بيه
ياسين _لاتذكرييين اسم هالجلب كدااااامي ...لهالدرجة شايفتني نااااقص مثله ...تقارنيني بواحد تزوجج بفلوس ووباك ابنج ...لهالدرجة نااااقص كداااامج اني ...لو واحد غيري وهيج تعاملين ولده طلكج بنفس اللحظة
دفعته واني كل القهر بيه
رنيم_وشنو منتظر ...طللللكنننني ...طلللكننني وخلي اررجع اعيش مثل ماجنت عايشه ...مرتاحة لاقهؤ ولاهم ولاغم ...كاااافي من ساعة السودة القبلت بيك ...
انداريت الجهال واكفين بخوف...وجهاد كالعادة ياكل باظافره ...مسحت دموعي وعدلت روحي ....
رنيم_يلا ماما تعالو خلي بابا يدللكم وياخذكم يوكلكم بيتزا لان ملحكت اكمللكم الطبخ ...
