خايف اخسر
امداي شكد غشيم
هو شباقيلي حتى اخسره
شوعفتني مصلخ بطرك الايدين
اليمنى لكدام واليسرى لورا
جنت اعاتب بالوكت العرفني بيك
هسه من خلاني اعوفك اشكره
غلطت الشاطر بالف
واني اكتفيت ...
وراح اضل كل عمري نادم عالجره ....
*****★*******★********
رنيم _مستحيل سمعت مستحيل قبل سنين امك هججتنا وهسه حضرتك ...
شهكت ماما ...وهو اندار عليه مامصدك السمعه ...
اتقدم مني ...
الهيثم _شكلتي ...عيدي الكلتي ...شنو امك...
جتفت ايديه
رنيم _ادري مثل العادة ماما تخاف تحجي فاني احب اكولك امك ورجال وياها اجو وهددو ماما بشرفها ...وانطتنا عشرين مليون والرجال الوياها هو الجابنا الكركوك واشترى هالبيت ونقل مدارسنا هسه عرفت منو الضيعنا ياسيد الهيثم ....
نقهرت عليه لان انصدم بكل هالاحداث ....بس كرهي وحقدي على امه خلاني اقهره بكد قهرنا ...لحد هسه مانسى صياح وخوف رويم من تشوف الكوابيس بالليل وخوفها من كل جنس ادم ...وخسارتي لابني ...وخسارة روان ...
رنيم _شنو اشوفك سكتت ...مو جنت تتهجم على امي ...خلي اشوف شلون راح تواجه امك ...الجانت السبب الرئيسي بضياعنا ... نزلت دموعه .....طلع وهو يرجف من القهر ماتحملت هذا اخوي السنين اتخيل اشوفه واحضنه صحت باسمه...
رنيم _الهيثم .....
اندارلي ودموعه تجري ...ركضت لحضنه ...وهو فتحلي ايديه ....اثنينا بجينا اي هذا نفس حضن بابا الدافي
رنيم _سنين واني احلم بهذا اللقاء والحضن ...باس جبيني وحضني اقوى
الهيثم _اسف ...اسف ..اسف ....شكد مااعتذر مراح اكدر اعوضكم عالشفتوه ...
انداريت على ماما ...ماما سويلنا غده اني واخويه عدنا هوايه حجي نحجي بي ....
هزتلي براسها ...وطلعنا ....
صعدنا بسيارته جيمسي اسود يلمع ...
رنيم _اباوعله بي هوايه شبه لبابا ...تدري ...هوايه جنت احلم بابا بيوم راح يلاكينا ويرجعنا لحضنه بس للاسف ...مالحك ..ولا احنا الشبعنا من حضنه ...سكت واشوفه يعصر بايده ...
الهيثم _وين نروح....
رنيم _باوع هاي حديقة تعال نكعد ...ونحجي ...
الهيثم _بقى شي نحجي بي ...
رنيم _للاسف اكو وهاي الاهم....
عكد حواجبه ...وهز براسه ...
وصلنا لحديقة عامة ....وكعدنا اثنين بصف بعض ...
باوعت كدامي ...
رنيم _ب٢٠١٤ امي وكعت وانكسر رجلها وحتاجت عملية بلاتين ويكلف مليونين ...بمستشفى اهلي ...واحنا الامي تشتغله يادوب يكفينا ويكفي دراستنا ....جنت بالسر عن امي قبلها بسنتين اشتغل يم مدرسة وهي بالمقابل ادرسني ببلاش ....باوعت عليه واشوف ملامحه الحزينه والمصدومة ...ابتسمت ..اي اختك اشتغلت خدامة. ...المهم عبالي هاي المدرسة تقدم هالمساعدة لوجه الله لحد قبل حادثة ماما عرضت عليه اتزوج زوجها واخلف طفل وانطيهم ياه واطلك ...
