لايضركم كسر اهل الارض لقلوبكم ....
مادام في السماء جابرها....
****★*****★*****
رنيم
ناكل ورفعت راسي اباوع لخواني ....
الهيثم ....الجان بابا دائما يحجي بي ...غمضت عيوني وتذكرت بابا ...جنت دائما احس مراح الحك اشوفه مرة ثانية ...تمنيت لو اخر مرة تمسكت بي وحضنته لاخر مرة ....فتحت عيوني الهيثم يباوعلي بحزن ...ابتسمت بوجهه شكد يشبه بابا ...
رنيم _صدك انتو متزوجين ....
ابتسمو ...وجاوب المهيب وهو يرفع ايدينه
المهيب _الحمدلله لا ...
ضحكت بصوت ..
رنيم _نههههه يا ليش ...
المهيب _اني والزواج مو صحبة ...
باوعت الهيثم ..
ابتسم وهز راسه باي ...صفكت ...وعدلت كعدتي
رنيم _صدك ...شنو اسمها وعن حب تزوجتو لو شنو ...
شفت وجهه الغيم ....
وحاول يزرع ابتسامة على وجهه ...بس وين اني الاباوع عليه واحس اعرفه ومتربيه وياه ..او يمكن هو شفاف ويبين عليه ...
الهيثم _اي متزوج بنت عمي شيماء وعندي مقدام ...
دمعت عيوني...
رنيم _فدوة ربي يحفظه ...
سوريا _ربي يحفظه ويسعدكم ...
المهيب _لو ما انتي جان هسه خواتي متربين ويانه ...وبين ايدينه...
كشرت بوجهه ...
الهيثم _شي متعرفه اسكت ...
اندار الهيثم...
المهيب _اذا اكو شي احجيلنا ...
باوعلنا ورد باوع لاخوه ...
الهيثم _سوريا جانت صغيرة ومن درت ابوك رافض يعترف بزواجه النا ...خافت ونهزمت ...
المهيب _ليش مو من الاول جانت تعرف زواج وبالسر ..
كامت امي وهي ترجف ..وتبجي
سوريا _لا لا ...مجنت اعرف ورا اسبوع بزواج يلا دريت ...تعرف شنو بنيه تتزوج وعمرها ١٣سنه لرجال بالاربعين ....تعرف يعني شنو تخسر الوحيد جان يحميك ....والبقية صارو جلادين ...وزوجوج وانتي طفلة وكل هذا ليش بسبب انتي اصلا مالج علاقة بي ...انتو متعرفون شي ...اني اكثر وحدة انضلمت ...ولليوم انضلم ...كافي كافي ...اي اني الضيعت بناتي ....بس اني من نهزمت ببالي احميهم ...مادريت راح يضيعون و...
قاطعتها وكمت لحيلي حضنتها ...
رنيم _خلاص ماما اهدي اهدي ....
ردت اطلع البكلبها ...بس خفت تغلط وتحجي بمزضوع روان ورويم ...
رنيم _انتي فوتي ارتاحي ..وخوفتي رويم اخذيها ونوميها يمج ...
فاتو وانداريت المهيب ...شفت الهيثم يخزره ...كامو ورادو يطلعون
رنيم _اوكف خوية اوكف ياسندي ...انت اصلا كولي يمتى ابوك حجالكم عنا ممكن تكولي ...
سكت ...
رنيم _شنوووو دااشوفك ساكت ...
تقدملي ومبين بالكوة لازم اعصابه ...والهيثم لزم ايده ...وعصره وهو مخزره ...
