رنيم
اليوم زفة علياء ....
لبست فستاني الزيتوني ومكياج طوخ ....وحمرة فاتحه ... وباوعت لرويم اللابسة فستان شويه منفوش ...وردي فاتح ....وشعرها البرمتها ...
واني سويت تسريحة بسيطة مثل ذيل الحصان ....اني ورويم وشادية واخت فضل الوحيدة يارا بس مبينة وحدة مسمومه تمشي وتعوج حلك علينا وعلى عليا ...الله يعينها من وين تتلكاها من هاي لو من رجلها ....
كملنا ....واجا مهيب يرجعنا وهن اخو فضل شبل اجا ...همه اخوان اثنين وبنية وحدة ....وامهم وياهم ..... وابوهم متوفي من زمان .....
صعدت ويه المهيب وهو يباوع لنا وفاك حلكه ....
المهيب _عفوا ترى انتو غلطانات وين خواتي .....
قلدته....
رنيم _ننننن ...عيني شكد الكروه لبيت المرحوم مقدام .....
المهيب _والله ب٧بس للحلوات ببلاش ...
باوعتله علياء وهي رافعة حاجبها
علياء_الواد ده خبرة ...اندارت على المهيب ...انت خبرة ...
وهو يحجي مثل البنات ويقلد الممثلة مال فلم عادل امام ..
المهيب _اه خيبرة ...
رويم _هههههههههه ...
كرصها من خدها ....
المهيب _من اروح فدوة للخدود عروستنا ....
سكتت واني انصدمت من كلمته ...
علياء_مخربط ترى ابو الخيبرة اني العروسة
المهيب _لامبين قريبا ..عدنا عروسة ثانية .....
سكتت واني افكر معقولة شخص متقدم الرويم...منو هو ووين شافها.....اسئلة هواية اجت ببالي هز داخلي هز ...خلا حالي ينكلب من الفرح لخوف وقلق ....
وصلنا وساعدنا علياء تنزل ...استقبلونا بالهلاهل .....
****★*****★******
علياء ...
كعدوني عالكرسي ...لحد مايوصل العريس واخوية لو واحد من عمامي يوصلني لخطيبي ...ماما مكعدبها عالكرسي ...لزمت ايدها وبستها. ..راح بالي من اخذنا الملابس قبل الحنة ...
الحمزة ودانا اني ورنيم ...وسماء هم جتي ...
جنت بالطابق الثاني ....غرفتين وحمام ...وحده منهن مسويها مثل المخزن ...
الجوه هم نفس الشي غرفتين نوم وهول ومطلخ وديوان.... اما شبل مشتمل بصفنا بس داخل الحوش ...
جنت ارتب الغراض ...وسماء ورنيم ...يمسحون الاخشاب ...
سماء كالت فشلة هي غرفة وحدة انتو كملو واني راح انزل يم الحجية وحماتج....
نزلت ...واحنا جنا مستمرين ...ماسمعنا غير صوت واحد يكحكح ...فزينا اثنينا ...
فات للغرفة ويباوعلي ...
فضل _السلام عليكم ...
رديناه ...
تقرب مني ...
فضل _باقيلج هوايه ...
هزيتله راسي ...
