علياء
ماعاش اليمد ايده على بنت مقدام وهي مغلطانة ....هسه تخابر اخوي هيثم لو اني الاخابره ...مو اني الانهان ببيت توني داخله بي .... اسمعني زين فضل اني الرباني هو الهيثم ...فلاعبالك بمجرد مااحبك معناها لو ذليتني انت واهلك راح اسكت ....غلطاان ....ادوس على كلبي اذا حسيت راح يكون سبب باهانتي ....لو هسه تجيب اختك تعتذر مني ومتدخل بيه بعد لو هسه اخابر الهيثم هو اليجي ....
فضل _تهدديني حضرتج ...نفض ايدي ...
علياء_افهمها شون ماتريد ...كدامك نص ساعة اذا اختك مجت واعتذرت مني ...الهيثم هو الراح يتدخل ...يمكن عبالك الهيثم مثل اخوك راح يقبل ادوس على اخته مثل ماحضرتك اختك خط احمر اخواني هم خواتهم خط احمر ...بس عالحق مو عالباطل ...
دفعني على كيف ...وطلع بره ....اخذت نفس ونزلت دموعي ...فجاة خطر على بالي الراشدي النطيته ياها الابتسامة بانت على وجهي ... باوعت عالساعة مرت عشر دقايق .......اندك الباب فاتو هو وياها...هي ميته بجي ...كمت على حيلي وجتفت ايديه ....
يارا_اعتذر منج علياء احسبيني اختج الصغيره بعد معليه بيج ومااتدخل باحد .. باوعت لاخوها ليباوعلها بعصبية ...وكملت كلامها اسفة سامحيني ...
علياء_هالمرة سماح بس اكيد مرة ثانيه مراح تمر بهالسهولة .... وجهت كلامي لفضل ....ليباوعلي ببرود ....
جر ايدها ودفعها لبره وقفل الباب. ..
رجعت كعدت عالجربايه ....
وانتجيت بظهري عالتاج .... وغمضت عيوني ....سمعت صوت الكنتور ....شويه انفتح باب الغرفة وانسد ...بسرعة كمت ونزلت جوه افهم شصاير....
نزلت جوه اسمع صوت بجيها ...وخاله يمها ...تواسيها ...
فتت للمطبخ ... شاديه تطبخ ...
علياء_هلاو ...
دارت وضحكت ...
شادية _طلعتي قوية ماينخاف عليج ....
ابتسمت مجاوبتها ...تقرب منها اساعدها. ..
علياء_احجيلي التفاصيل ..
دارات راسها تشوف اكو احد لولا...
شادية _والله نزل مثل الصاروخ لغرفتها ....اتقربت على كيفي ....تعيد نفس الكلام ....ضربتني واني كل شي ممسوية واسئل ماما ...سئل خاله .... متمت وكالت صح ....كال يوم راح اجيب القران تحلفون عليها ....انا اعرف علياء ماتقلل ادب ...وذيج نطت يعني اني قليلة ادب ...صاح بيها عاد خاله صاحت ...وكالت كلام علياء صحيح ...حتى مال البارحة هم ...بس هاي صايره تخوف كل كلامها تكول راح انتحر ...هنا دار عليها ..كال دخلي بيوم اسمع او امي تكولي مهددتها بالانتحار لااجي بايدي واحركج حتى عزه ماسويلج ...واخذتها عندج ...طلع فضولي يحبج ...
برطمت
علياء_ياحب من اول يومين على اي كلمة منها يكلب عليه .....
شادية _باعي كلبي ...اني صح متعجبني تصرفاتها ...بس هاي يارا وراها عماتها ...يكلبوها حتى على خالة ... خاصة اول جم اسبوع من ترجع منهم ..... وهمه ميكدرون يمنعونها عنهم ....لان هي التريدهم.... هي مراهقة .... وعمو عافهم وهي عمرها ٤سنوات ....فضل وشبل يحاولون لحد هاليوم يعوضوها عن حنان ابوهم .... وكلما كالو كلمة تكوللهم لو بابا عايش جان هيج سوه على مودي وهيج سوه على مودي ...فهمه ينقهرون عليها ... بس مع ذالك وكت الغلط يعاقبوها مثل ماسوه فضل بس مو بالضرب لا يعاقبوها من يحرموها من عماتها والاشياء التحبها .... بس مرات شبل مايتحمب ويضربها راشدي رغم خفيف بس مينام الليل من القهر. ....
الخلاصة ...اهمليها .... بس اذا اندكت بيج مثل اليوم دافعي عن روحج ولاتسكتين ...
