سوريا
ثاني يوم جتي ام الهيثم وذهب وسارة ...جابو الريوك واني مستحية منهم ... بس هن تعاملو وياي ولاعبالك بيوم جنت مرت ابوهم او مسويه شي يخجل ... باركولي وباركو لياسر ....وراحو
ياسر - اوففف مدااصدك .... واخيرا صرتي على ذمتي وبين ايديه جنت اشوفج حلم بعيد ... بس ناوكفت دعاء ليل ونهار التزمت صلاة الليل وانا ادري راح احصل عليج مدام دعيت وطلبتج من ربي ....
كدام كلامه اضل خرسه ماعندي اي شجاعة او كلام اكله ياه ..
سوريا-كدام كلامك انخرس مااكدر اعبر عن البداخلي مثلك ...
ابتسم وجر راسي لحضنه ....
ياسر -وجودج وياي يكفيني ....مااريد غير بس تضلين بحضني وتضلين الي ... ملك لياسر ...
********************
رويم
وجودهم سببلي عقدة نفسيه ....
اندك الباب ....واجا فؤاد وهو يباوعلي بنظرات ماافهمته عتب حزن ...عرفت الهيثم كله سبب جيته
فؤاد-رورو ... اخوج بالباب...
رويم-هاا اي جايه ...ردت اطلع سمعت شهكة مرت عمه
سوسن -يااا هاي بلا منازع حجاب تطلعين ..
مجاوبتها ...وطلعت شفت الهيثم بالباب...
استغرب من شافني بعدني بملابس البيت
الهيثم-ها حبيبي مو على اساس تجين وياي ...
انداريت فؤاد يباوعلي
فؤاد-صدك رويم قررتي ها هيه ....
هو واحد من الحلين لو اطلع اخوي الغلطان ومااخلي الجيش الجوه يتشمتون بفؤاد ...لو اكول اي واخسره للابد ....
رويم-مافهمت ...
الهيثم-مو كلتي خلاص راح تنهين كل شي ...
باوعت لاخويه واني مسويه روحي غبيه
رويم -منو كلك هيج ...ضحكت واني اباوعله ...فهمتني غلط ياروح اختك ... اني كلت اجيكم جم يوم لان روان كالتلي ضايجة ...هههه ...
احس ثنينهم يعرفون جذبت بس ماحبو يفشلوني ...
الهيثم حجه وهو ضام ضحكته
الهيثم-اي يجوز ...يلا من تقررين تجين عود كولي لرجلج ...يلا اودعناكم ...
طلع واني مثل المسويه جريمه ..واحس خدودي نار يطلع منها ...انداريت عليه ...يباوعلي بتركيز ...
فؤاد-فوتي فوتي بعدين ورانا كعدة طويله ...
ابتسمت بوجهه ...ودخلت بسرعة ...
شفت العصابه بعدهم بس لاشنو حضرت الخاتون صايره هي الطباخة ...من شافتني كاالت
ايه -فؤاد يحب التشريب من ايدي ... رفعتلها حاجبي ...
رويم -حبيبي هاي قبل كبل لاانتي تتزوجين وهو يتزوج ...وبعدين اللحم بعده بالبخار وتوني خليته ...شنو هالخاشوكه البيدج .... بعدين عيب هاالحجي ...تكولينه كدام زوجته
اية -تقربت مني بعد ماذبت الخاشوكة ... حتى لو تزوجت وهو اتزوج راح اضل اني حبيبته الاولى...
كملت عنها
رويم -والسابقة .... وراح اكررها عيب عليج حتى لوجان بينكم شي لاتنسين هو هسه متزوج ....المهم هو حجالي عن بطولتج وكت الجان بايران ...هنا باكت طن هوه .....
