شذرة الشاهين

الشذرة الخامسة 🩵

حياكم الله شذراتي 🩵

ينصاد الصگر بـ الإلف ياااا الله
و بصمّ الدخن تلزم سرب دِلمْ
دمعتك غالية من تطيح.. كون أطيح
للجفن المبلل على فراگك دمْ

الكلمات للشاعر الكبير ( ايهاب المالكي) .

الضابط: السلام عليكم اخوية، المدعو( شاهين محمد الصگر) متواجد بالبيت حاليا؟؟

شاهين: نعم سيادة الضابط اني شاهين

الضابط: عليك آمر بإلقاء القبض تفضل ويانه!! وأيضاً أمر بتفتيش البيت للبحث عن المُجنى عليها

ابو شاهين: سيدي .. اسمحولنا بس خلي نسويلكم طريق

الضابط: يلا حجي بسرعه .. ( يوجه كلامه لأحد جنوده) حط الكلبچات بإيد المتهم وتوجه بيه للسيارة

حطوا الكلبچات بإيد شاهين واحنا نخبصنا خالة ام شاهين فرفحت على أبنها وتصيح أريد ابني وين ماخذيه وليدي

شاهين ( بصوت عالي) : يمه ادخلي جوووه

ام شاهين (تكلم الضابط) : وليدي زوجته تره هيه  عاقد عليها عقد سيد يا عيني ليش تاخذه؟

الضابط: انت عاقد عليها؟

شاهين : نعم سيدي زوجتي

الضابط : وكل محامي تره موضوعك يطول

ام شاهين (تلطم) : يمه وليدي ما مسوي شي وداعتك يمه فدوة اروح لطولك عوفه

فهد( بصوت عالي): يمممه ادخلي جوووه شنو سالفتج كاافي صوتج منا العالم

احد الجنود: سيدي المُجنى عليها موجوده داخل البيت

الضابط: نادي عليها ناخذها ويانه تقدم إفادتها

شاهين: سيدي ما اريد مرتي تدخل مركز شرطة خلي اتصل بالمحامي حتى يتصرف بلا زحمة عليك خويي اني استاذ جامعي و الي مركزي وسمعتي اطلب منك بس تقدر الموقف بس هذا إللي أريده

الضابط: أستاذ على عيني وراسي مقدر وضعك و وضع اهلك بس يا حبيبي لازم تجي تقدم إفادتها أمام ضابط التحقيق وأمام القاضي بالمحكمة ،صدگني الموضوع لو بيدي أني چان تصرفت بدون ما تطلب بس ما يصير

ابو شاهين : فهد .. يوسف حضروا نفسكم حتى تروحون ويه اخوكم اني اروح للمحامي و أنطي خبر لعمامكم ونتلاگه بالمركز

شاهين : يابه خلي فهد ياخذ شذر وياه لا تصعد ويه الشرطة

ابو شاهين: صار وليدي

شاهين : يوسف اتصل على ليث و بلغه يتصرف

يوسف: يتصرف بشنو؟

شاهين: بس بلغه هيج ومعليك !!

شذر: دخلوا فتشوا البيت وسالوني على إسمي جاوبتهم گال الشرطي انت تتفضلين ويانه للمركز اني ارتبكت شلون اروح للمركز خاف يطلع عمي هناك لو أياد شلون انهزم منهم ؟