حياكم الله 🩵
الكاتبة // ميــس آل صـلاح
....
مريم
واگفة كدام بابهم المفتوحة لاستقبال المعازيم
بعد ما وصلني سيف وراح ...
دعيت ربي يكون من نصيبي ...
طلعوا أطفال من البيت يركضون
الولد لابسين قوط رسمية والبنات بدلات لطيفة
ضحكتهم و براءتهم وحركاتهم خطفت گلبي
عثر بطرف عباتي طفل لزمته من أيده
خفت عليه يتأذه توسخ بنطرونه
لميت عباتي و دنگت أنفض التراب من بنطرونه
وهو يضحك وگال : وخلييي خلي الووح وياهم
مريم : فدوه لهالخدود شنو اسمك؟
رد : علاوي
توارد لمسامعي صوته : لا ادنجين بالگاع منا العالم
رفعت راسي شفته واگف يم الباب مرتدي الزي العربي اول مره اشوفه بيه !
جان وسيم لدرجة كبيرة خلتني اشك انه اليوم مشيته هو مو مشية قسور !
فهد : فوتي جوه يلااا
وگفت وأيدي بايد الطفل : هذا ابن قسوغ ؟
فهد : كون يسمع اسمه من تلفظيه ههههه اي هذا ابن صديقه... يلا فوتي !
وصيت الطفل : بيباي ديغ بالك من السياغات حبيبي
رد : اوكييي
وعافني وركض لبقية الأطفال
فسحلي المجال مريت من جانبه سألني : ليش ما لابسه جواريب ؟
ابتسمت : مو متتوالم ويه الفستان !
ومشيت وهو خطى ورايه : ليش ناوية تنزعين العباية؟
ضحكت بدون ما إرفع عيني عليه جاوبت: أكيد
فهد : ليش؟؟
مريم : حفلة بنات !
فهد: بس العريس راح يدخل الحفلة !
مريم : اي عود اغجع ألبسها !
فهد : ظلي بيها لا تنزعيها خاف متلحگين تلبسيها !
رفعت عيني عليه لگيته منزل راسه ويحچي
شكد أحب حياءه ورغم متأكده منه يحبني
لكن ما يسمح لنفسه ينظرلي نظره مو حلوة
مريم : فهد !
فهد : ادخلي بعد شويه يجوون الزلم !
ورجاءا مره ثانية البسي جواريب
مريم : انت مو متباوعلي ؟ شلون عغفت ما لابسه جواغيب ؟
فهد : نظره وحده تكفي أنتبه بيها على أدق تفاصيلچ !
أنت تقرأ
شذرة الشاهين
Romantizmهلي و زتتنا الضفاير و الضماير و الخناجر و الدفو الغطه الچفوف وچانت الهلهولة خرسة تضيع بالشفه وتطوف
