شذرة الشاهين

الشذرة الثالثة عشر🩵

حياكم الله🩵

أرّوح لـ ويَن ؟
كُلشي گبّالي مِن لوّنك ، أغمُض
وألتِفت والگاك كُل الدِنيا
" بعِيونك " .

والله ما رأيت يومًا حبًا أعظمُ من أن يكون الذي أمامك واضح المعالم، صحيح النيّة، ينبئك بمكنونه فلا يبيت ظنًا أو يحمل خبثًا.
فيه من اللين ما يُلطّفك، ومن الصدق ما يريحك، ومن السلاسة ما يطمئنك.
الدنيا برمتها تشهد خريف الناسِ، وهو ثابتٌ مؤكدٌ لكل احتمالات الخيرِ.
فإني لم أرَ يومًا حبًا أعظم من الاطمئنان، أن تطمأن أن يربت على قلبك أحدهم بعد رجوعك خالي الوفاض، بعد انقطاع أملك النابض، وبعد فقدك لكل شغفٍ وشعور.
أن تطمأن أن حركة قلبك لا تزال بخير، لأن الدفء محيطٌ به وَمُرِيد. 💙

....

يوسف
كل انسان يمر بظرف ممكن يغير من نظرته للحياة ويكون هذا الموقف نقطة تحول بحياته ... يطلع من الازمة وهو انسان ثاني ممكن يتغيير للاسوء لكن ممكن ايضا يتغير للأفضل...

البيئة اللي انت عايش بيها والاشخاص اللي حواليك وطبيعة المجتمع اللي يحيطك والماضي اللي يرافقك طول حياتك رضيت او ما رضيت راح يأثر على حاضرك ومستقبلك...

كل قرار تتخذه بحياتك راح يعود لك بنتيجه .. لان المعادلة بسيطة كل قرار اله عواقب تحمل الجيد والسيء حسب نوع القرار ..

انسان نرجسي .. اناني .. يحب ذاته لدرجة كبيرة تربى ضمن عائلة وفرت كل الاحتياجات اللي ممكن يتمناها اي شخص بكل سهولة بدون تمني بدون ترجي قبل حتى ميطلب الشي يلگاه متوفر عنده...

كل هاي الامور خلقت مني هذا الانسان الغير مُبالي لأي شيء ممكن يصير وياه ... ما يهتم لاراء الناس ولا يهتم ياخذ نصيحة اي شخص ...

خلقت مني أنسان متطلب نرجسي و متكبر والغرور الي كان بذرة بسيطة بداخلي ... أهلي والاشخاص اللي داخل دائرتي الصغيرة غذوه بطريقة مستمرة لحد ما صار شجرة أثمرت عنها ثمار الانانية وعدم المبالاة و النرجسية وحب الذات ...

عايش بعبثية تامه .. قلة الايمان .. عدم وجود مخافة الله خلتني أنحدر بمنحدر الذنوب والمعاصي.. خلتني ادخل أماكن تنعدم بيها كلمة الأخلاق...

ادخل ملهى و اطلع من ملهى واتنقل من حضن راقصة الى أحضان بائعة هوى لأشباع رغباتي الحيوانية اللي بداخلي لكن الحب ما عرفته بحياتي... شنو معنى حب اصلا ..

الحب بالنسبة الي نفسي وبس وكل البقية مو مهم اذا تعلقت ببنية تعلقي يكون بجمال تقاسيم جسمها وجمال ملامحها لكن روحيتها و صفاتها الشخصية أخر ما يهمني ...

الغاية تبرر الوسيلة وكلشي بالفلوس يجي حتى الضمائر أگدر اشتريها .. لكل شي أكو ثمن بالنسبة الي ...

لكن من صار الحادث شفت طريق الموت بعيني شفت نفسي ميت وسألت نفسي بشنو راح اقابل وجه رب العالمين ... ؟ شنو الأعمال اللي سويتها بالدنيا وربي راح يكافأني عليها ...