شذرة الشاهين

البارت ٣٩

حياكم الله 🩵
الكاتبة // ميــس آل صـلاح

...

لهسه صواب زعلك حار بينه
طبيب الطيب السل حار بينه
عفتنه وأحنا لاجلك حاربينه
أهلنه و لا گلت فشله و خطيه
...

قسور : اووووف گلبي ... شنو المطلوب حتى تروح العقچة مال الوجه احچيلي!

سمر : تخليها تبات يم أمك وانت تجي تبات يمنا !

قسور : و ليش أسوي هيچ ؟

إقترب مني وگال بهمس : أريد اختلي بمرتي ... مشتاقلها! الناس شعليهاا ؟

إبتعد مني و چانت نظرات عيونه تعبر عن الرغبة البحتة !

حچيت بتهديد : قسوره !

قاطعني بقسوة و جمود وقلد كلمتي : سي يووو !

بدت خطواته تبتعد عني شويه شويه
لحد ما أختفى من گدام عيوني
وطلع من القاعه الدراسية
وآني ظليت صافنه ...

والله آني إللي انطيته عين
وخليته يشوف روحه عليه
المفروض جان من البدايه
حتى صباح الخير ما أگوله
بس بسيطة قسورة إني الك
اذا ما خليتك تندم على كل كلمه گلتها!
اني مو سمره !

كملت المحاضرات وچانت أغلبها تعريفية
بس محاضره وحده
الدكتور بدا يشرح أوليات ومبادىء الموضوع
اني كتبت اغلب الامور المهمه اللي شرحها

طلعت من القاعه واني مخبوصة
اضم الملاحظات اللي كتبتهم
وچان يوگفون يمي مجموعه
اثنين ولد و اربع بنات

گالوا راح نروح للنادي
تجين ويانه وافقت على الواهس مالتهم
وتعرفت عليهم كلهم مثقفين و راقيين
حبيت نقاشاتهم
والمواضيع اللي يطرحوها

المهم بعد فترة گاعدين بالنادي
مندمجة وياهم ونسيت الوقت
رن موبايلي شفت المتصل ابو المصايب

جاوبته بتعالي : الوو...
قسور : وجعوو... صار نص ساعه أنتظر شوكت ناويه تطلعين ؟

سمر : ههههه سوررري نسيت الوقت التهيت ويه الگروب

قسور : گروبيش؟

سمر : الناس شعليها ؟

سديت الخط بوجهه مو تدلل قسوره أفندي بسيطة !

اترخصت منهم و طلعت اتمشى برهاوة
شفته واگف بره السيارة يدخن
وصلت وصعدت بالسيارة
هو صعد حرك السيارة والجگاره بأيده

سمر: بلا زحمة ما أحب ريحة الجگاير ... طفيها !

قسور : هاي منو اللي رادت تدخن قبل فتره هسه صرتي متحبين ريحة الجگاير ؟