حياكم الله 🩵
الكاتبة // ميــس آل صـلاح
....
من كل گلبي احبـها ما مجامــلها
حبيبتـي و آنه رجالــها و خلـها
صح ما نتفق مثل الحجر و الجام
بس ما نفترگ بالعـركة أغازلها
...
شاهين
مرات الانسان يصير بموقف لابد ان يكذب وممكن هاي الكذبه اللي گالها راح تغير مستقبل و حياة ناس يهمه امرهم لكن يضطر !
الشيخ صدمني بجوابه لأبو سردار اني فاهم أبويه وأعرف بيه ميقبل يزوج وحده من بناته بعيد عنه او لشخص غريب ما يعرف عنه شي وخصوصا سمره أعز وحده على گلبه هاي طبيعته بعد احنه لا نگدر نغيرها ولا نگدر نلومه عليها ...
آني چنت معارض تسرع أبويه بالجواب لكن من شهدني على الموضوع وگال ابن عمها قره الفاتحة ويانه بعد مگدرت أكسر كلامه واكول ماكو هيچ حچي !
لان قسور لا گعد ويانه و لا طلبها و لا قاري الفاتحة ويانه !
زين بهاي الحالة أبويه شلون راح يتصرف بلكي البنية متريد ترتبط هسه ؟ او يجوز الولد بباله وحده غريبه و يريد يخطبها ؟ ابويه بهذا تصرفه سوه مشكله من لا شي !
دا أصعد لغرفتي وشفته ينزل على الدرج بهدوء أستغربت هو ميگدر يصعد درج ليش چان بالطابق الفوگ !
شاهين : ها يابه محتاج شي ؟
ابو شاهين : سلامتك بويه ... چنت يم أخيتك فوگ !
شاهين : فاتحتها بموضوع قسور ؟
ابو شاهين : هيه عدها علم أصلًا مريتك مبلغتها !
شاهين : شلون بيها متوب من القال و القلت
ابو شاهين : نسوان عقلهن على گدهن بويه بعدهن زغار !
شاهين : حجي ولو اني مو من حقي أناقشك بهذا القرار بس بويه قسور لا حاچي بيها و لا جايب طاري شلون گلت قاري الفاتحة ويانه ؟ هسه يجوز الولد بباله وحده ؟
ابو شاهين : انت تعرف قسور أكثر مني ؟
شاهين : لا بس يجوز ...
ابو شاهين : خلص لا تناقش اذا ما تعرفه مثلي ! أني أدرى بمصلحة بنتي !
شاهين : يابه اني أگول لو ما تستعجل بهذا الموضوع افضل !
ابو شاهين : من يمتى تعارض كلامي ؟
شاهين : يابه أفهمني اني ...
ابو شاهين : ولا كلام انتهى النقاش بعد ماله داعي نحچي بيه ! تصبح على خير
عافني و راح يريد يدخل لغرفته ما گدرت أسكت أكثر گلبي محمل هواي وآني اشوفه يتحكم بحياة و مستقبل إخواني ولازم اظل ساكت ما اتحملت وحچيت اللي بگلبي !
شاهين : أعذرني بويه بحچايتي بس أنت صاير متجبر بقراراتك حيل ... من سالفه فهد حرمته من البنية اللي يريدها بدون سبب مقنع و هسه بموضوع قسور و سمره ! بويه مو هيچ الأمور تنحل لازم تاخذ برأيهم لان همه اللي راح يتزوجون مو انت! بالنهاية هاي حياتهم وهمه اللي راح يعيشوها !
أنت تقرأ
شذرة الشاهين
Romantizmهلي و زتتنا الضفاير و الضماير و الخناجر و الدفو الغطه الچفوف وچانت الهلهولة خرسة تضيع بالشفه وتطوف
