شذرة الشاهين

الشذرة الثانية عشر 🩵

حياكم الله🩵
.
.

اني گمت من السرير ومن الارتباك گتله شبيك حبيبي ؟
شاهين : حبيبچ؟؟؟ ماشي ااااااخ الله لچ احچيلي سولفيلي وبعدها نصه صوته كلش صار يهمس و قرب وجهه على اذاني حتى محد يسمع وگال جملة جمدتني بمكاني!!

شاهين: شصاير بينچ وبين أياد السگط؟

گعد على السرير و شبك اصابيعه وأيديه وخلاهم على گصته يفرك بيها عبالك راسه راح ينفجر من الألم وغمض عيونه حيييل ... وبدا يهز برجله بسرعه تعبر عن عصبيته..

شاهين: قبل ما اعرفچ ... قبل من چنتي يمهم ... شصاير بينچ وبينه؟

شذر: كلشي ما صاير!

شاهين: أخر مره اسألچ..وأحذرج تضمين شي ..

شذر: انت شسامع بس فهمني!

شاهين: انتي ليش تريدين زواجنا يبقى حبر على ورق؟

شذر: لأسباب خاصة!

شاهين: اني أحچيلچ الأسباب... متفقة انتي ووياه تنهزمين من بيت عمج حتى تخلصين من سالفة هذا الرجال اللي جابه عمچ وبنفس الوكت تخلصين من ظلم عمچ ومرته بس متواعدين انتي وياه ترجعيله بأي طريقه ولذلك انتي طلبتي مني يبقى زواجنا حبر على ورق لان تحبيه! 

( هو يحچي واني مصدومة منين كل هذا الكلام وشلون وصل لهاي التفسيرات أصلا .. )

شذر: انت شلون هيج تفسر الامور بس فهمني؟

شاهين: عندچ وحمة صغيره؟ صح؟ وبالضبط عنب جوه صدرچ صايره على خصرچ؟

شذر( بصدمه): شلون عرفت؟

شاهين: ابن عمچ السكير الدايح السگط يعرف بيها وشايفها و ... وحتى بايسها بعد تريدين اشرحلچ أكثر شنو چنتي تسوين انت وياه لو كافي

شذر( بعصبية ) : چذاب أكبر چذاب دائماً يتهمني بشرفي اني مو بس من عمي انهزمت ومنه هم والله چان يتحارش بيه فد واحد ما عنده غيره ... انت مو تعرف بوقت الدعوى اني حچيت للضابط وگتله على سوالفه ويايه!!

شاهين: حطيتي بهارات زيادة حتى تبررين ليش طلعتي منهم بهاي الطريقة!

شذر: لا والله وداعتك انت .. كل اللي حچيــ...

قاطعني وگال: إسمعي العرس باچر يصير على حسب الاصول وگدام الناس نتصرف عادي وراها تعيشين هنا معززه مكرمة لان انطيتچ وعد و اني گد الوعد و كل اللي تريديه راح يصير زواجنا راح يظل حبر على ورق مثل ما گلتي لان مالي نفس بشي مو الي من الأساس