شذرة الشاهين

الشذرة العاشرة🩵

حياكم الله🩵

إسند روحك بروحك
محد توجعه جروحك
الوجع بس انتَ الـ يأذيك
كلهم يواسونَك
محد يدري شنهو الـ بيك
محد منتبه مكسور
أتفه سالفه تبچيك .

...

شاهين: يووووسف... خابرها هسه گدامي وتنهي الموضوع والا قسماً بذات الله اتبرى منك ليوم الدين تخبلت انت؟ احچيي تخبلت ..

يوسف: شاهين ...ما أگدر أعوفها!!!!

شاهين: ليش...؟شكو بينك وبينها؟

يوسف: أحبها !

شاهين: تنساها ... اخطبلك وحده تسواها وتتندم على اليوم اللي حبيتها بيه.. تكسب رضا ربك حبيبي انت

يوسف: ردتك عون خويي!

شاهين( بعطف) : ولك اني مو بس عون الك .. اصيرلك عكازة يول  ..بس ما اريدك تدمر حياتك ولك انت عيوني اللي أشوف بيها... يوسف انت مو بس أخوية وليدي انت وروحي من الدنيا .. تريديني أشوفك تدمر نفسك واظل صافن عليك ... حرام هذا اللي دتسوي يا گلبي ... اذا چنت اقسي وياك بالكلام لان رايد مصلحتك

يوسف: شاهين شلون اعوفها بنص الدرب؟!

شاهين: هذا دربها هيه مو دربك ..منو المحامي؟

يوسف:  صاحبك قيصر

شاهين: خلص عوفها عليه اني أحل الباقي ... بعدك شاب والف وحده تتمناك .. أترك هذا الموضوع لخاطري اني

يوسف: صعبه كلش والله ..إفهمني أترجاك!.

شاهين: أسمع..تخابرها وتنهي كلشي وما اريد حچي بهذا الخصوص بعد اخوك و بالنسبة لشغلة طلاقها اني اتصرف بيها محلولة ان شاء الله

يوسف: بس...

شاهين( يقاطع كلامه) : انتهى الكلام.

يوسف( بعد ما تركني شاهين انطفى اخر بصيص أمل عندي بنجاح علاقتي ويه شهد .. ما چنت مستعد لردة فعل شاهين توقعت مايرفضلي طلب و توقعت هو اللي راح يساندني ضد أهلي و يجمعني بيها رغم الصعوبات لكن انصدمت بردة فعله ...

متعودت يرفضلي طلب و لا يتعامل ويايه بهاي الطريقة بس قررت ما استسلم و واواجه الكل حتى شاهين في سبيل حبها.. قررت اسوي كلشي حتى أكمل الطريق وياها ما تعودت اترك شي أريده... )
...

شذر: چنت بالمطبخ اساعد خالة بتحضير شغلات العشا ودخل شاهين رافع حاجبه ومنتفض عرق جبينه يعبر عن غضبه ويحچي بالموبايل مستعجل وگال لخالة عندي شغل و لا تنتظروني على العشا .. ظليت محتارة شصاير وياه و وين راح يروح ..بس فضلت الابتعاد وعدم التدخل

آية: شبي شاهين؟

شذر ( مبرطمة شفايفها بعدم معرفه) : ما اعرف

آية: ولج انتي غير مرته دروحي شوفي شبي

شذر: خاف يتعصب عليه !