شذرة الشاهين

الشذرة التاسعة والعشرون🩵

حياكم الله🩵

أدري مقصرة وياكم و اتاخرت عليكم قبل ما تهجمون عليه🤭 بس ألتمس منكم العذر حبايب 🙏 واسفه جداً على التأخير بارت طويل تعويض عن الفترة الراحت

كل الود و المحبة لعيونكم الحلوة🌸

...

ﺍﺻﻌﺐ ﻣﻮﻗﻒ ﺑﻠﺤﻈﺎﺕ ﺍﻟﻮﺩﺍﻉ
ﻣﻦ ‏ﺗﺸﻮﻑ ﺍﻟﭽﻨﺖ ﺗﺒﻨﻲ ﺗﻬﺪﻡ

ﻭﻣﻦ ﺗﻘﻮﻱ ﮔﻠﺒﻚ ﻭﺍﻧﺖ ﻣﺠﺮﻭح
‏ﻣﺎﻣﻬﺘﻢ ﺗﺒﻴﻦ...‏ﻭﺍﻧﺖ ﻣﻬﺘﻢ !

ﻭﻣﻦ ﺗﺒﺘﺴﻢ ﺑﺲ ﺑﺪﺍﺧﻠﻚ ‏ﻧﻮﺡ
‏ﺍﻟﺪﻣﻮﻉ ﺍﺑﺎﺏ ﻋﻴﻨﻚ ﺳﻜﺘﻪ ﺗﻠﺘﻢ

(للشاعر الكبير إيهاب المالكي )

...
مريم
مدى تأثير العائلة كبير على الإنسان لإن وبكل بساطه همه التربة اللي تنبت منها بذرته وعلى أساس هاي التربه راح تكون ثماره بالمستقبل..

ولكل بيئة يتربى بيها اي شخص طريقة بصقل طباعه و تصرفاته و مبادئه بهاي الحياة.. و الف اوووف من هاي الحياة شنو ممكن تسوي بينا و وين ممكن تودينا بدروب موحشة و صعبه ...

العائلة ... الدين... الاسم... أشكالنا... لون بشرتنا ...يوم مولدنا .. كلها أمور ما لنا يد بأختيارها لكن من ناحية أخرى يمكننا أختيار الطريق الصح في قضاء سنين عمرنا حتى لو كان هذا الطريق عكس طريق عائلتك..

المهم انت تعقد النية حتى تسلك الطريق الحق و تسعى لتحقيق هذه النية مهما كانت العقبات اللي راح تواجهها صعبه! مو مهم أبدآ لان راح تدحر هاي الصعوبات بقوة الاعتقاد واليقين و الإيمان..

يبعث الله سبحانه إشارات تبين الاختيار الصح حتى تتبعها  والباقي علينا إذا اتبعناها او لا!
فهد كان احد اهم هاي الاشارات بحياتي ... چان النور اللي بنهاية ممر مظلم وغير معبد ...

قبل وجوده چنت انسانه يقودها العمى حرفياً ... ما عندي رأي أو شخصية لاتخاذ اي قرار بسيط و روتيني بالحياة..

حياتي عبارة عن هوسه و ضوضاء خالية من المبادئ والأسس الصحيحة ... إنسانه فوضوية وعبثية عايشة بدون هدف او حتى أمنية مجرد أيام و تمر وخلص ..

أمي بس بالاسم أُمْ...مجرد اسم بالجنسية وانتهى الأمر... كل أيامي وياها عبارة عن تنمر وانتقاد مستمر بدون اي تحفيز او تشجيع على اي شي ..

بعمري ما سمعت منها كلمة حلوة.. أحسها تعيش مراهقتها من جديد متناسية عمرها تماماً وهذا الشي مخجل ويسببلي إحراج اغلب الأحيان..

چنت ابحث عن الكلمة الطيبة و الحنان خارج جدران هذا البيت .. من الناس الغربة حتى أعوض الفقدان اللي أحس بيه مُسيطر على حياتي ..

عرفت قبل فهد هواي شباب علاقتي وياهم كانت عبارة عن فرفشة وطلعات جماعيه و سفرات لكن محد بيهم ترك آثر بداخلي... حتى اسماءهم تنمحي من ذاكرتي بمجرد مرور أيام على اختفاءهم او خروجهم من روتين حياتي الممل...