شذرة الشاهين

الشذرة الخامسة والعشرون 🩵

حيــاكم الله 🩵

لكثرة الاسئلة عن موضوع تنزيل البارتات حبيت أوضح للجميع انه التنزيل راح يكون بين يوم ويوم لكثرة انشغالي للاسف بهاي الأيام.. دا آمر بظروف نوعاً ما ماخذه كل وقتي بس دا احاول تكون البارتات طويله لتعويضكم ...

ايضآ أتمنى منكم اللي عنده قصه يحس بيها عبره ممكن يستفاد منها غيره ياريت لو يدخل خاص اما عن طريق برنامج الواتباد او عن طريق الانستا مالتي لان قصه شذرة راح تنتهي قريباً لذلك اريد مساعدتكم بهذا الموضوع ..

وشغله اخيرة اتمنى تساعدوني بنشر القصه لان ما عندي غيركم يساعدني اذا كان سردي يعجبكم وتحبون ان استمر بالكتابه واسفه على الاطاله ...

...

من آخر شلونك وآنه مشتآك

ومن آخر لقآء لـ هسه بردآن

ومن آخر (حبيبي) وغربتي تفوح

ومن آول ليله بعدك عمري خلصآن

تمنيتك هوى بـ فجريتي تنضآك !

ويمُر بيه الخريف ويآك بستآن !!

...

شاهين
كل جزء من روحي مشتاقلها.. وكل ذره بداخلي محتاجة الها .. هيه استقراري ومن دونها اغوص بالضياع ..

احس بتفشي حبها بداخلي و فرض سيطرته عليه وأستخدم أحد أعنف جنوده وهو الاشتياق..

الشوق بطبيعته مُـر و قـاسي و سلطانه كبير على قلب الانسان و يگدر يتحكم بأنفعالاته بطريقة عجيبة ...

مشتاق لدلالها و دلعها عليه و بحة صوتها من تنطق أسمي ويذوب بين شفايفها و حروفه تضيع طريقها بكل امتنان...

اما نظرات عيونها اللي تغازلني بمُـكر جذاب يجبرني على الاستسلام و رفع الرايه البيضاء أمام هيبة جمال عيونها ..

جنونها و انفعلاتها بسبب مزاجها المتذبذب يربكني ويشغل تفكيري بكيفية كسب رضاها ...

من وصلت تلگاني رامان وسلمت عليه وسألت وينها ؟

رامان: شاهين اول مره أشوفك متعصب انت الهاديء اللي كلنا نحمد برزانتك و هدوئك ... لا تتصرف تصرف ممكن بعدين تندم عليه !

شاهين : ومنو اللي وصلني لهاي الحالة ؟ مو بسبب تصرفاتها هيه؟

رامان: مهما يكن هيه طفله ومتعرف تتصرف بس انت العاقل والاكبر عمراً والمفروض تستوعبها !

شاهين: كسرت حچايتي رامو ! هاي باچر عگبة بعد ما تحترمني گدام أحد؟ واني ابن عشاير وابويه شيخ شلون راح يفهم انه هيه طفله ومتفتهم ؟ لو شلون راح اگدر اشرحله انه اني الچبير ولازم استوعب تصرفاتها؟

لك خلتني أصير هلگدني گدام أصغر إخواني!

رامان: خصم الكلام شاهين .. اذا تتصرف شي وياها ميعجبني تحلم اخليها تروح وياك !