අකී (I'm in Love with a Criminal)

Episode 10

💝 #..අකී.. 💝
❤ හීනයත් ප්‍රේමයක් වෙලා ❤

කොටස... ( 10 )

මං නම් හිතන්නෙ නෑ මූ දැන්ම කෙල්ලෙක් ගැන හිතයි කියලා....

හරි හරි අපි හොයාගමුකෝ නැද්ද මචං... අකීයට පුලුවන්ද අපිට හොරෙන් ගේම් ගහන්න....

අවිශ්ක එසේ කියමින් ශීට් බෙල්ට් එක රදවාගද්දි හේෂාන් මෝටර් රථය පණගැන්නුවෙ හිනා වේගෙනම.

💝🔥🔥💝🔥🔥💝🔥🔥💝🔥🔥💝

විස්තර කල නොහැකි මොකක්දෝ හැගීමකින් ආශී දිහාම බලාගෙන ඉන්න තරම් අකීගේ මුලු හිතම විකාර වෙලයි තිබුනෙ. යදම් බිදිමින් මතුවිමට සැරසෙන හිත ඇතුලෙ දඟලන හැගීම් සමුදාය  අකී මැඩගත්තෙ ඔනෑකමින්මයි. නමක් නොදන්න හැගීමකට අකීගේ ඉදිරි සැලසුම් විනාශ කිරීමට ඉඩ දී බලන් ඉන්න තරම්  අකී සුදානම් වුනෙ නෑ.
අසිහියෙන් ඇඳ මත වැතිර සිටින ආශීගෙ සිහින් කෙදිරිය අකීව තව තවත් පිස්සු වැට්ටුවෙ හේෂාන්ගෙ ගෝලබාලයින් හට නැවතත් පහර දීමට තරම් ආවේගයක් සිත තුළ ජනිත කරමින්. පපුව ඇතුලෙ ගිණිගෙන දැවෙන වේදනාවක් අකීව හුන් අස්නෙන් නැගිට්ටුවාගත්තෙ වේගයෙන්.  ඔහුට වේදනාව පිට කිරීමට තවත් මාර්ගයක් නොමැති තැන මිටි මෙලවු අත්ලෙන් පහරක්  ඇඳ අල්මාරියට එල්ල කලෙ වේගයෙන් හුස්ම ඉහළ පහළ යවමින්. තවදුරටත් ආශී අසල රැදීමට තරම් අකීගේ හිත හීලෑ නැති තැන ඔහු කාමරයෙන් පිටව ගියෙ දොරට ද අත්ලෙන් පහරක් එල්ල කරමිනි.

අකී කාමරයෙන් පිටවන තුරු මානබලමින් සිටි අකීගේ මව කාමරයට ඇතුළු වුනෙ ඔහු නිවසින් පවා පිටව ගිය බව සාක්ෂාත් කරගෙන. ඇඳ මත වැතිර සිටින ආශීගේ වත මත බයෙන් බයෙන් අත තැබූ චාන්දනීගේ දෑස් විසල් වුනෙ එහි සිටින්නෙ කෙල්ලකු බව දැනගැනිම නිසාය. අකී කරනා කිසිවක් ගැන තේරුමක් නොමැති චාන්දනී පපුවට අත තියාගත්තෙ මෙයද අකීගේ කුමක් හෝ ජරමරයක ප්‍රතිඵලයක් විය හැකි බව කල්පනා කරමින්. හේෂාන්වද චාන්දනීට පෙනෙන්නට බැරි චරිතයක් වී තිබුනෙ තම පුතාගෙ වෙනස් වීමට හේෂාන් ද ඍජුවම සම්බන්ධ බව ඇය දැනගෙන සිටි නිසාය. නමුත් ඇය එතරම් ප්‍රිය ඩොක්ටර් අවිශ්ක ද අකීගේ මේ වෙනස් වීමට සම්බන්ධ බව ඇය දැනගෙන වුන්නෙ නෑ. අකී වෙඩි ප්‍රහාරයකට ලක් වූ සෑම විටම බාහිර ගැටලු ඇති නොවී රහසේම ඔහුට ප්‍රතිකාර කරන ඩොක්ටර් අවිශ්ක යනු සැබෑම මිතුරෙකු බවට චාන්දනී විශ්වාස කලා.