أحتاج شمعة لإنارة حياتي

Part"3"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

# غزل
. كعدت ؏ الكرسي من بعد ماسويت ريوك تريكت بسرعة وكمت نظفت البيت وعزلته صارت بــ 12 ولا واحد من اهلي بين من بعد تفكير طويل كمت سويت غده سمج شوي وتمن احمر

. ڷــ 2 يلا أجوي اهلي دخلو السيارات مالتهم لطارمة
- غزل :- تأخرتو
- سرين :- غير دوام كامل يا ماما
- علي :- لازم ضجتي وحدج
- غزل :- كُلش
- سرين :- مو كتلج تعالي وياية وانتي ما قبلتي
- غزل :- اي

. دخلنه لجوة راحو اهلي يبدلون ملابسهم رتبت الاكل ؏ الطاولة وكعدت انتظرهم بقيت صافنة بــ الاكل لحد ما أجوي
- علي :- هاي شنو الأكل لي يشهي
- غزل :- سويت الاكله لي اعرف اطبخها الكم
- سرين :- عاشت ايدج ماما
- غزل :- وايدج حبيبتي

. مدو ايدهم وبلشو يأكلون
- علي :- الله طعم سمج يجنن
- غزل :- الف عافية بابا

. كملنه الغده وسويت الهم جاي راح بابا ينام وبقت ماما رحت بصفها كعدت
- غزل :- ماما اريد تلفوني
- سرين :- هسه اجيبة
- غزل :- اليوم اجة فهد
- سرين :- فهد منو
- غزل :- هذا الولد ضابط
- سرين :- وين اجة
- غزل :- لبيتنه ماما
- سرين :- وفتحتي الباب إله
- غزل :- اي فتحته وشاف وجهي وتحلف ڷــ عمي هاشم
- سرين :- شلون تفتحين الباب متعرفين الشيطان قوية ويمكن يسوي اي شي الج وانتي وحدج
- غزل :- ما تقرب آلية ماما بس لمس خدي صدگيني
- سرين :- بعد لاتعيديها
- غزل :- اي بس كال سمعي اخبار عمج
- سرين :- اي اجة شخص لي يخلصنه منه هذا ألبوم

. كمنه اني وياها غسلنه الماعين عزلت المطبخ بين ما راحت جابت تلفوني لان جانت ضامته عني بــ فترة الدراسة تأخذه مني
- غزل :- ماما
- سرين :- ها حبيبتي
- غزل :- فهد انطاني رقمه
- سرين :- وراح تتصلين
- غزل :- اخذ رائيج اول
- سرين :- احجي بس بحدود وكولي إله هذا اخر اتصال بينه الثاني اني وياك مخطوبين يلا نحجي وبعلم اهلنه كلهم
- غزل :- شكرا ماما لان دائما تفهميني
- سرين :- حبيبتي انتي شعندي غيرج

. ابتسمت بوجهي وراحت صعدت لغرفتي فتحت الجرار وطلعت الرقم دخلته وطلع عنده واتساب دزيتله اوكي وطلعت شفت البنات مراسلاتني حجيت وياهن وره ربع ساعة اجاني مسج منه دز نفسي اوكي يعني شافها بقيت للمغرب اگلب بــ التلفون مليت منه ونزلت جوه

. شفت ماما وبابا يصلون رحت للحمام توضيت وصعدت لغرفتي صليت ونزلت شفتهم كاعدين كدامهم ؏ الطاولة اكل
- غزل :- طالبين اكل
- سرين :- أي جوعانين تعالي اكلي ويانه