أحتاج شمعة لإنارة حياتي

Part"32"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. فزيت بــ 1 بليل ؏ اتصال من فهد اخذت تلفون وفتحت خط

✆
- فهد :- ها روح روحي
- غزل :- ها حبيبي
- فهد :- ها يِروح وينج اتصل عليج من زمان متريدين
- غزل :- جنت نايمه حبيبي
- فهد :- نوم العوافي بوية كعدتج من نومتج
- غزل :- اي بس فدوه الك
- فهد :- يبعد روحي وحياتي كلها
- غزل :- استحي حبيبي
- فهد :- يلوگلج اي شلونج
- غزل :- زينه اني
- فهد :- وڷــ بيبي
- غزل :- زين يسلم ؏ ابوه
- فهد :- اويلي شايفه اذا يلزمج ابوه يأكلج اكل
- غزل :- لعد راح اسكت
- فهد :- لا احجي اريد اسمع صوتج
- غزل :- اي
- فهد :- اكلج رحتي للبيت
- غزل :- لا نسيت
- فهد :- عفية عليج

- غزل :- ماكدرت تعبانه كُلش وماكدر امشي
- فهد :- من الصبح تدزين عمي يشوفه
- غزل :- اي باجر عدهم عطلة
- فهد :- البيت بابا يوميه روحي شوفي بدون لا أكول
- غزل :- أنتَ تعرف حالتي شلون اروح
- فهد :- ميخالف دزي اهلج بمكانج
- غزل :- لعد قبل لا نزوج هم هيج
- فهد :- جنت ادز صاحبي بس هسه زوجت وماكدر ادخل غريب للبيت نفسج مالتج بي ومتعرفين الغريب شيسوي
- غزل :- ماشي اني الصبح ادز بابا
- فهد :- عفية بنيتي

. بقينه نحجي سويه ڷــ وقت طويل كُلش ڷــ 4 يلا راح خليت تلفوني ؏ شحن لان صفر مابي كمت للحمام دقايق وطلعت رجعت بمكاني تغطيت ونمت...

. ڷــ صبح دزيت بابا يشوف بيتنه انطيته المفتاح وراح اجت ماما بيدها ريوك كعدنه نأكل ؏ الطاولة تقريباً نص ساعة ورجع وجهه اصفر
- علي :- جامه مال المطبخ مكسره
- غزل :- ليش
- علي :- ماعرف والله بس ماكو شي ماخوذ حتى باب الغرف مقفلة صعدت ڷــ سطح هم مابي شي
- سرين :- خاف الجهال من الشارع شامرين حجار
- علي :- احتمال

. طلع بابا من المطبخ وكف بهاية الحديقة طلع تلفونه وكف يخابر تقربت منا اسمعه يحجي بهمس وصوت ناصي طلع ورقة من جيبة وصار يقرأ بيها مافهمت شكو رجعت كعدت بمكاني
- سرين :- جاي يسوي ابوج
- غزل :- يخابر
- سرين :- علاجج وين
- غزل :- بــ صالة
- سرين :- كومي حبيبتي اخذي مي وشربي وابقي متمددة بغرفتي لا تصعدين فوگ
- غزل :- ليش
- سرين :- اريد انيمج بــ الغرفة الجوه احسن من كل شوي صاعده ونازله خاف يصير شي لطفلج
- غزل :- اي ماما ماكدر امشي
- سرين :- هسه نعزلها اني وابوج
- غزل :- خطية بابا عوفي اني اعزلها وياج
- سرين :- كعدي انتي وكومي شربي العلاج لا تنسين
- غزل :- اي