#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°#غزل
. مر اليوم بسرعة بين سوالف ورومنسية فهد كعدني فهد الصبح اخذني ڷــ دوام وراح جاي امشي بــ المرمر مال المدرسة الداخلي رفعت راسي وراحت عيني ؏ بنيه شفتها كاعده ؏ محجر الحديقة بقيت صافنه عليها شايفتها هاي بنيه وملامحها مو غريبة عليه تقربت أكثر ورحت يمها شفتها هالة رحت ركض الها
- غزل :- هاي انتي ياحقيرة
- هالة :- غزل
- غزل :- اي غزل وين جنتي كل هاي الايام
- هالة :- صارت مشاكل هواية
- غزل :- شبي خدج ليش بي آثار ضرب
- هالة :- بعدين اسولفلج انتي شلونج شلونه زوجج وياج
- غزل :- زينه اني. تقربت الها وحضنتها حيل سمعت صوتها تبجي دمعو عيوني هالة صديقتي من الطفولة وماعرف شلون كدرت افارقها
- غزل :- نروح ڷــ صف
- هالة :- اي
- غزل :- تكعدين يمي بعد ممنوع تكعدين بغير رحلة
- هالة :- اي يلا. تحركنه شوي صاحت من رجلها حضنتها ورحنه لصف جانت تعرج منها كعدتها بصفي وراحت البنيه لي جانت يمي بمكانها
- غزل :- سولفيلي انشغل بالي عليج
- هالة :- عوفيها بليل نجي ڷــ بيت اهلج امي تريد تشوف خالة سيرين
- غزل :- ماشي بس تره وضعج ماعاجبني
- هالة :- ولا اني عاجبني. دمعو عيونها وصارت تبجي حضنتها وصرت اهدي بيها
- غزل :- صاير شي وياج حتى هيج تبجين كولي اني اساعدج
- هالة :- لا صدكيني ماكو اصلا خلصت منهم ورجعنه لهنا
- غزل :- منو خلصتي منهم. سمعت صوت طالبات يكولون قيام شفت المدرسة دخلت سديت السالفة مشه اليوم بسرعه انطونه كم درس وطلعنه من الصف اخذت هالة ورحت ڷــ باب المدرسة شفت فهد واكف ومنتچي ؏ سيارته
- غزل :- يلا تعالي اوصلج
- هالة :- لا خاف تصير زحمه
- غزل :- ماكو زحمه انتي اختي تعالي يلا. اخذتها ورحت يم فهد شافها شلون تعرج فتح الباب الوره وصعدتها
- فهد :- شبيها
- غزل :- ماعرف والله
- فهد :- ديلا صعدي عندي شغل اريد ارجع للمركز. فتحلي الباب وصعدني درت وجهي ڷــ هالة شفتها مخليه راسها ؏ جامه صعد فهد واخذها لبيتهم نزلت ونزلتها وياية دكيت الباب شوي وفتحته امها سلمت عليها ودخلت هالة ورجعت صعدت وصلني فهد للبيت نزل فتحلي الباب وقفله عليه ورجع ڷــ دوام...
. رحت كبل للغرفة نزعت ملابس المدرسة ورحت للحمام سبحت بسرعه وطلعت اخذت شسوار نشفت شعري زين ولميته رجعت للحمام توضيت وصليت استغليت الفرصة شغلت السبلت ؏ أعلى بروده وطفيت الضوء نزعت الروب ورحت تمددت بمكان فهد ونمت...
أنت تقرأ
أحتاج شمعة لإنارة حياتي
Mystery / Thrillerسَيَظَلُّ الإنسان في حاجةٍ إلى كُلّ شيء؛ ما دام لَم يَعثُر على نفسهِ. ولكنَ هلَ يتغير ذالكْ القدٍر؟ # 18+ بقلمي : مرمر علي