أحتاج شمعة لإنارة حياتي

Part"16"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. مرت الأيام واجه يوم السبعة مالتي قبل بيوم رحنه اني وفهد اشترينه كم فستان وبليل أجوي اهل فهد كلهم عده اهل زهراء ابدا مااجوي ألنه يعني فهد ثبت كلامه انو مراح يخليني اشوفها ابدا

. دز فهد اكل من بره لان أجونه وقت مغرب كُلش وفجأة جان عبالي يجون الصبح صارت الأذان وكلها راحت صلي دخلت للمطبخ سمعت نور تحجي وحدها وتباوع ؏ الكاونتر والطباخ
- نور :- شحلات المطبخ لا وصخ ولا صخام قابل مثلي كاعده ويه عيال اوف ياربي وين جنت عني يافهد لو انت جاي طالبني ولا اخوك اخذت بنت بغداد لي بس تدلع وتتنعوض

. خليت ايدي ؏ حلگي مصدومه كُلش شلون تكدر تحجي هيج رحت للحمام فتحت المي البارد وغسلت وجهي وره فتره الباب نفتح ودخل فهد
- فهد :- وينج حبيبي صار شكد ادور عليج
- غزل :- محتاج شي
- فهد :- يلا توضي تا نصلي
- غزل :- روح كدامي هسه اجي
- فهد :- لا تتأخرين منتظرج

. هزيت راسي وطلع توضيت وطلعت وره شفتهم كاعدين بــ الصالة رحت للغرفة شفته كاعد ؏ الجرباية لابس دشداشه ويسبح 
- فهد :- شبيج بوية
- غزل :- مابيه حبيبي
- فهد :- شفتج بــ الحمام ضايجة ردت احجي وياج بس شفت امي وراية خاف عبالها بينه مشكله
- غزل :- ماكو شي
- فهد :- سهله تعالي نصلي وبعدين نحجي

. كام وكف ؏ السجادة لبست الازداد وكفت وره صلينه سوية بقه بالي الحجي لي سمعته عيوني دمعت حيل مقهوره بعدني بداية زواجي ومشاكل وتسمع حجي وكلها تريد فهد مني حس بيه فهد ودار وجهه عليه اخذني بحضنه
- فهد :- شبيج بوية صدك جذب
- غزل :- مخنوگة كُلش
- فهد :- منين ياروحي شو حجيلي من شنو مخنوگة
- غزل :- من كُل شي
- فهد :- حجيلي عن شنو تبجين
- غزل :- لا ماريد
- فهد :- انتي روحي وگلبي وحياتي وامي ثانيه هم لا تخلين شي يقهرج ويضوجج لان اذا صار بيج شي اني اضوج وماتحمل دمعه منج تنزل
- غزل :- احبك فهدي
- فهد :- واني احبج أكثر
- غزل :- هم يجي يوم تعوفني
- فهد :- لا واذا اجه هذا اليوم يكون اني شهيد
- غزل :- لا فدوه

. صرت ابجي بصوت حيل اختنكت واحس نفس ضاك عندي نزعني الازداد وشالني نيمني ؏ الجرباية راح فتح السبلت والمروحة ؏ اعلئ درجة اجه يمي يفرك بيدي ويبوس بيها
- فهد :- اليوم انعل والديهم منو مزعلج بس احجيلي
- غزل :- محد
- فهد :- ماكو محد اعرفج كلش زين

. ندكت الباب ودخلت عمتي حنين شافت فهد يفرگ بيدي اجت تركض
- حنين :- شكو يمه شصاير شبيها غزل
- فهد :- ماعرف يمه جانت ضايجة وفجأه كامت تبجي
- حنين :- كومي حبيبة شوفي فهد شلون تخبل عليج
- فهد :- عوفيها يمه خلي ترتاح شوية ونطلع
- حنين :- براحتكم من تهدى طلعها