أحتاج شمعة لإنارة حياتي

Part"33"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. مرت يومين واجة يوم توزيع نتائج اجتني هالة بــ 9 الصبح رحنه مشي للمدرسة صح بابا كال خلي اوصلج بس ردت اعيد ذكرياتي لان صار أشهر ماامشي كله فهد يوصلني بسيارة لو بابا من يلتحق فهد وصلنه فرع المدرسة وذكرت شلون التقينه اني وفهد بقيت مبتسمه طول الطريق لحد ما دخلنه للمدرسة شفنه صديقاتنه هناك صح علاقتنه مو قوية بس نسولف

. تقريباً ڷــ 9:30 يلا اجت المديرة وكفنه بساحة احنه ورابع وصارت توزع علينه لحد ماوصلت اسمي صاحتني راحت الها ابتسمت بوجهي وحجت
- الف مبروك ماما تستاهلين
- غزل :- الله يبارك بيج ست

. اخذت نتيجة منها وشفت درجاتي بقيت مصدومه هاي اني هيج اطلع شفتهن كلهن 100 بس العربي 98 والفيزياء 94 رجعت يم هالة اخذتها نتيجة مني وشافتها
- هالة :- الف مبروك
- غزل :- الله يبارك بيج
- هالة :- تستاهلين يعمري
- غزل :- حبيبتي

. اخذت نتيجة منها وبقيت اباوع لدرجاتي عيوني دمعو لو مو فهد وياية وسيطرتي ؏ مادة ماطلع هيج نتيجة جنت كل سنه ماما درسني بس ماخذ المادة بسرعه ودرجاتي جانت زينه اقل وحده 80 بس ڷــ سنه بدعت بيها بعد فترة صاحت اسم هالة راحت استلمتها اجتني تضحك
- هالة :- ناجحة ناجحة مامصدكه
- غزل :- يعمري الف مبروك

- هالة :- باعي نفس درجاتج بس الفيزياء ورياضيات موزينه بيهن
-

غزل :- ليش هاي زينه درجات رياضيات 80 وفيزياء 89
- هالة :- اذا امي شافتهن تشوي البصل ؏ أذني
- غزل :- هههه عليج الله ممبين عليها
- هالة :- عصبية كُلش وتريد درجة عالية واني ماكدر احس عقلي مايتحكم بيه بوقت الامتحان كله يروح من يشوف الاسئله
- غزل :- اني بعد وراية السادس اريد اذب كل حيلي علية
- هالة :- احتمال امي دخلني خصوصي لسادس
- غزل :- اي احسن ضبطي المادة
- هالة :- تطلعين
- غزل :- اي بس خلي اخابر بابا يجي ياخذنه بطني توجعني
- هالة :- عزة بعينج انتي حامل شلون تمشين نتيجه خلتني انسه
- غزل :- حبيت امشي شوي
- هالة :- والله عندج سوالف يلا امشي

. طلعت تلفوني من الجنطه واتصلت ؏ بابا يجيني طلعت بره انتضره اني وهالة لحد مااجة فتحت الباب وصعدت
- علي :- ها بشرن خطوط حمره
- غزل :- لا بابا ناجحين
- علي :- اي نطني اشوف

. اخذ شهادتي وشهادة هالة يدقق بيهن
- علي :- كسولات
- غزل :- ليش بابا
- علي :- هاي شنو ليش 98 و94
- غزل :- مادة صعبة تريدني اطلع انشتاين
- علي :- وحد عنه انتي هم عندج عقل باعي هالة نفسج هم مچسية
- هالة :- عمو ميساعدونه
- علي :- يلا ميخالف لمهم ناجحات
- غزل :- بابا باع كله 100 ليش ميخالف
- علي :- اريد شهادتج كلها 100 هذيج ساعة أكول صدك شاطرة
- غزل :- يعني مراح تنطيني هدية
- علي :- ننطي شلون ماننطي حتى نسرين تشيب راسي
- غزل :- اني جوعانه
- علي :- اذا بدون ريوك رحتي شلون ما تجوعين
- غزل :- اخذنه نتريك بــ المطعم
- علي :- صار خلي اخابر نسرين تروح ويانه
- غزل :- ليش ماما ما راحت لدوام
- علي :- لا ظهرها يوجعها اخذت الها اجازة ورجعت يمها
- غزل :- يعني حتى أنتَ
- علي :- اي