أحتاج شمعة لإنارة حياتي

Part"26"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل

. وصلنه لبيتنه من بعد وقت طويل كُلش گضيت الطريق كُله نايمه ماعرف شبيه احس صارلي ايام مانمت فتح الباب فهد ودخل السيارة ونزل اجة من جهتي نزلني وفتحلي باب المطبخ عفته ينزل الغراض ودخل لصالة فتحت الضوء ورحت تمددت ؏ القنفة دخل فهد بيد الجنطة
- فهد :- ليش نايمه هنا
-

غزل :- تعبانه
- فهد :- دكومي للغرفة نامي
- غزل :- اي

. عدلت كعدتي وكمت رحت للغرفة نزعت ملابسي كلهم ولبست ثوب خفيف رحت تمددت ؏ الجرباية شوي ودخل فهد بيده الجنطة شمرها ؏ القنفة واجة كعد بطرف الجرباية ينزع الحذاء
- فهد :- ترحين ڷــ اهلج بليل
- غزل :- اي
- فهد :- ماشي انتي نامي اني رايح لدوام
- غزل :- يادوام فهد
- فهد :- خلصت إجازتي وعندي شغل بوية
- غزل :- فدوه حبيبي ابقه
- فهد :- لا يِروح ماكدر
- غزل :- تتأخر
- فهد :- اذا خلصت من وكت اجي
- غزل :- اسويلك اكل
- فهد :- لا ابقي نايمه
- غزل :- خاف تجوع حبيبي
- فهد :- لا يِروح هناك أكل ارتاحي انتي

. نزع الحذاء وكام للغرفة وخرت الغطة وكمت وره شفته نزع ملابسه وراح طلع بدلته العسكرية وكف يلبسها
- فهد :- ليش گمتي من مكانج
- غزل :- تروح يلا انام
- فهد :- بعده ظهرج يوجعج
- غزل :- لا صار زين
- فهد :- اذا رجع يوجعج بغيابي خابريني بسرعه
- غزل :- اي حبيبي

. كمل لبس وكف يمشط شعره كمله واخذ ساعته لبسها وراح طلع المسدس وخلاه بــ الكراب
- فهد :- وين البسطال مالتي
- غزل :- باب المطبخ خليته
- فهد :- ليش بابا
- غزل :- ماعرف غير هناك يتخلن بــ المدخل الأحذية
- فهد :- لا بابا هاي مال دوامي هنا خليها
- غزل :- تمام

. اخذ تلفوناته والمحفظه وطلع طلعت وره للمطبخ كعد ؏ الكرسي يلبس البسطال
- فهد :- قبل لا انسه من تكعدين سوي اكل واشربي علاجج خوش
- غزل :- اي حبيبي
- فهد :- يلا بوية اذا نعسانه قفلي الباب ورجعي نامي
- غزل :- ردت نام سويه
- فهد :- من ارجع يِروح والله عندي شغل مهم
- غزل :- لعد اني مو مهمه عندك
- فهد :- مهمه اكيد
- غزل :- ماشي لعد لا تتأخر
- فهد :- صار

. تقرب مني بأس شفتي خفيف وخر فتح الباب وطلع تأكدت راح يلا قفلت الباب دخلت لجوة تمددت ونمت...

. ڷــ 1 الظهر يلا كعدت من النوم احس جسمي مكسر تمطيت ونمت ؏ بطني رفعت رجلية وصرت العب بيهن بــ الهوه سمعت صوت تلفوني يدُك رفعت راسي وشفته ؏ الميز مديت نفسي وأخذته شفته فهد بسرعه فتحت خط