أحتاج شمعة لإنارة حياتي

Part"7"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. من يوم العقد بليل فهد بعد مااتصل علية وهاي مرت 11 يوم وهوه ماكو بقيت اباوع ڷــ صورته بــ الواتساب لابس زي عسكري واكف يم شجرة بقيت امسح بيها شفت اخر ظهور من زمان كُلش بــ تاريخ عقدنه وهوه ما متصل تنهدت بصوت عالي ذبيت التلفون ونزلت جوة شفت ماما كاعده ومطلعة مسلسل
- سرين :- ها ماما
- غزل :- ها حبيبتي
- سرين :- ما جاوبج فهد
- غزل :- لا ماكو مختفي
- سرين :- احتمال عنده واجب
- غزل :- الله يساعده
- سرين :- تحبي
- غزل :- اي
- سرين :- واني جاي اشوف هذا الحب بعيونج

. دمعت عيوني وكمت ابجي بصوت عالي اجت ماما حضنتني تهدي بيه
- سرين :- شبيج يروحي
- غزل :- مشتاقتله
- سرين :- شسوي ماما تحملي لحد ما يفتح تلفونه

. هزيت راسي وسكتت بقيت يومين انتظر خبر منه ماكو راح بابا ڷــ مركز مالته وكالو طالعين المجموعة مالته واجب ولحد الان ما نزلو ومايعرفون اخبارهم مرت كم يوم ثانيات كاعدين اني وبابا وماما نتغده دك تلفون بابا أخذه من القنفة وشافه
- علي :- ياالله ان شاء الله خبر يفرح

. فتح خط وجاوب
✆
- علي :- الو.. السلام عليكم.. الحمد الله.. بشر.. لا وين.. يامستشفى

. بس سمعت اسم مستشفى طفرت كام ابوية سد الخط وباوعلي
- علي :- لا تخافين مابي شي
- غزل :- شبي بابا فدوه طمني
- علي :- متصاوب
- غزل :- والله عرفت گلبي ما مطمن

. صرت ابجي بصوت عالي دخل بابا لغرفتة لحگته شفته واكف يم الكنتور يطلع ملابس
- غزل :- فدوه بابا اخذني وياك
- علي :- لا ماكدر مستعجل
- غزل :- ماما حاجي ياخذني
- علي :- اخذي بنتج سيرين
- غزل :- لا بابا الله يخليك اخذني وياك بس اطمن علية
- علي :- اول شي خلي اطمن علية اني وارجع آخذج
- غزل :- اعرفك تجذب علية
- علي :- لا حول الله
- سرين :- امشي ماما

. اخذتني ماما وكعدتني بــ صالة طلع بابا مستعجل بقت عيوني وره اريده يرجع ياخذني اريد واحد يطمني علية بقيت للمغرب ابجي طلعت بــ طارمه اروح وارجع بيها اجتني ماما
- سرين :- ماما هدى نفسج
- غزل :- لا ماهدي اكيد صاير إله شي حتى بابا مااتصل وطمني
- سرين :- اكيد نشغل هناك
- غزل :- بعدني مافرحت بي راح يروح مني
- سرين :- اسم الله عليه ماما تعوذي من شيطان روحي توضي وصلي إله

. عافتني ودخلت جوة كمت وراها توضيت وصليت بقيت ادعي إله من كل گلبي يطلعه سالم وميصير إله حتى لو مو آلية ڷــ أمه طلعت بره لگيت ماما كاعده وتصلي اسمع صوتها تدعي ڷــ فهد بقينه ؏ هذا الحال لحد الصبح واني مانايمه وامي كل شوي تفز وتكولي نامي وترجع تنام رحت توضيت وصليت الصبح طلعت كَعدت بــ الحديقة اباوع السما الجو جان بداية صبح ساعة 5 اسمع صوت العصافير يمي