أحتاج شمعة لإنارة حياتي

Part"37"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. مر اليوم بسرعه ويه فهد واجة ثاني يوم مارحت ڷــ دوام بقيت بــ البيت راح فهد ڷــ دوام واني بقيت طول اليوم متمدده وبيدي تلفوني اجاني فهد بــ 11:30 جابلي غده ورجع بقيت اكل وحدي نفسي مسدوده كُلش مر الوقت وصار أذن الظهر كمت توضيت وصليت اجه فهد بــ 3 تعبان كُلش بقه متمدد ؏ القنفة
- غزل :- حبيبي
- فهد :- ها روحي
- غزل :- خليها ؏ باجر نروح
- فهد :- لا بابا عفت شغلي واجيت آخذج يلا روحي بدلي
- غزل :- خاف ماتكدر
- فهد :- لا مابيه شي تعب بسيط شوي ويروح
- غزل :- تبدل ملابسك
- فهد :- اي
- غزل :- يلا لعد كوم
- فهد :- معليج بيه روحي لبسي كدامي ابدل بسرعه اني
- غزل :- تمام

. رحت للغرفة بدلت ملابسي وتجهزت لبست بنطرون كيلود وتشيرت وفوگه قمصله سوده لبست حذاء رياضي ابيض وشال خليت مكياج خفيف وطلعت شفت فهد غافي يربي والله كسر گلبي شلون يأخذني وهوه تعبان تقربت منه وبست خده فز
- غزل :- اسم الله
- فهد :- بدلتي حبيبي
- غزل :- اي بقيت أنتَ
- فهد :- يلا امشي

. اخذني ورحنه للغرفة نزع ملابسه العسكرية بقيت أجمع وره ملابسه لحد ما بدل لبس بنطرون فحمي وقميص ابيض وفوگه قمصله سوده لبس ساعتة ورش عطر اخذ الفرچة وكف كدام المراية يمشط
- فهد :- طلعي فلوس قبل لا انسه
- غزل :- شكد اطلع
- فهد :- 250
- غزل :- المن هلكد
- فهد :- عندي شغل بيهن يلا بوية

. هزيت راسي ورحت فتحت الخزنه وطلعت فلوس حسبتهن عدل وانطيتهن إله حسبهن ورجع اخذ 50 فوگهن
- فهد :- يلا بوية
- غزل :- اي

. قفلت الخزنه عدل ورحت يمه اخذ ايدي وطلعنه من البيت وصلنه للعيادة دخلنه شفنه ناس هواية راح نضري ڷــ مره كاعده بلگاع وجهالها كدامها يأكلون جبس
- فهد :- وين تكعدين ماكو مجال
- غزل :- خليني واكفة
- فهد :- تعالي وياي خلي احجز

. اخذني ورحنه يم سكرتير حجز رقم طلع 18 هواية كُلش انطاه فلوس الحجز ماقبل ياخذهن رجع الفلوس ڷــ جيبة ودار وجهه عليه وهمس
- فهد :- نفتر ونرجع
- غزل :- أنتَ تعبان ماريد اتعبك أكثر
- فهد :- تعبج راحة يِروح امشي نكعد بسيارة هنا ماكو مجال
- غزل :- خاف يروح الحجز
- فهد :- عنده رقمي يخابر من يقرب الحجز مالتنه
- غزل :- تمام لعد

. طلعنه من العيادة ورحنه لسيارة كعدنه بيها
- فهد :- تأكلين
- غزل :- اي
- فهد :- جوعانه وماتحجين
- غزل :- لعد شسوي
- فهد :- اويلي مرتي جوعانه
- غزل :- اي اريد اكل هسه ڷــ بيبي جوعان مثلي
- فهد :- بابا بعده مكبران بس يحتاج غذاء
- غزل :- يعني ميجوع
- فهد :- لا لان ياخذ فيتامينات منج
- غزل :- يعني هسه اكيد جوعان لان اني جوعانه
- فهد :- ههههه
- غزل :- ليش تضحك
- فهد :- تعبين انتي
- غزل :- ليش
- فهد :- ماكو شنو تأكلين
- غزل :- ماعرف
- فهد :- تريدين نأكل بمطعم
- غزل :- اي اريد مكان ارتاح بي
- فهد :- ليش متضايقة حبيبي
- غزل :- اي كُلش
- فهد :- هسه آخذج هناك تاكلين وترتاحين
- غزل :- اي اخذني
- فهد :- شبيج عصبتي
- غزل :- تعبت شو
- فهد :- هسه يِروح نخلص اكل ونشوف اخر اخبار ڷــ بيبي ونتطمن عليه ونرجع تا ترتاحين