أحتاج شمعة لإنارة حياتي

Part"39"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. خلص الدوام وكفت انتضر فهد ماكو صار فوگ ربع ساعة انتضر وماكو عيوني دمعو معقولة نساني
- هالة :- تعالي نروح مشي
- غزل :- فهد مايقبل
- هالة :- لعد شلون تبقين هنا تره صارت ڷــ 1
- غزل :- بــ 1؟
- هالة :- اي امشي

. اخذت ايدي وصرنه نمشي للبيت بقت عيوني دمع لحد بطني كامت توجعني كُلش
- هالة :- عليمن تبجين
- غزل :- بطني توجعني
- هالة :- تعالي ندخل ڷــ بيتنه اخلي بابا يخابر عمو علي يجي ياخذج بسيارة

. وصلنه لبيتهم دخلتني لجوة تلكتني خالة جنات بــاب المطبخ اخذنتي للأستقبال
- هالة :- ماما فدوه خلي بابا يخابر عمو علي يجي ياخذ غزل بسيارة
- جنات :- اي هسه اروح جيبي مي خلي تشرب

. طلعن من الإستقبال تمددت ؏ القنفة بطني احسها جاي تتگطع من الوجع بقيت افكر بفهد معقولة بعده نايم وأخذته النومه ونساني دخلت هالة بيدها كلاص مي أخذته منها شربت شوي
- هالة :- لو ادري هيج يصير ماخليتج تمشين وأجرنه سيارة
- غزل :- حتى فهد يذبحني
- هالة :- ليش
- غزل :- مايقبل
- هالة :- زين بطنج بعدها توجعج
- غزل :- اي كُلش

. ندكت باب البيت سمعت صوت واحد كايل ياالله عرفته بابا طلعت هالة من باب الاستقبال لمفتوح ؏ الصالة دخل بابا وياه ماما
- سرين :- شبيج يروح امج
- غزل :- بطني كُلش توجعني
- علي :- آخذج للمستشفى
- سرين :- لا امشي للبيت خلي تمدد هناك

. اجة بابا كومني ردت امشي ماكدر الوجع كُلش قوي
- غزل :- ڷــ بيبي مدري شبي
- سرين :- مابي شي ماما شيلها علي

. شالني بابا واخذني لسيارة صعدني واخذوني للبيت نيموني ؏ الجرباية بغرفتي
- علي :- فهد وين عنج وليش بيت عدنان انتي
- غزل :- فهد مااجاني وتأخر الوقت خفت اجيت ويه هالة مشي وبطني كُلش وجعتني
- علي :- فهد بدوام
- غزل :- لا بــ البيت ماراح
- علي :- تلگي نايم بابا
- غزل :- فدوه خابر عليه

. طلع تلفونه واتصل عليه مايرد بقه تقريباً 10 دقايق يتصل عليه يلا رد

- علي :- الو.. هلا بوية شلونك.. الحمد الله وين أنتَ.. نايم.. هاي غزل تخربطت تعال تريدك.. زينه بس تعال مكضيتها بجي.. الله وياك

. طلع بابا من الغرفة اجت ماما كعدت يمي تمسح بطني
- غزل :- ماما فدوه خاف ڷــ بيبي بي شي
- سرين :- لا حبيبتي بس صارلج فترة ماتمشين ومشيتي صار عندج تقلص لا ؏ اقل شي تبجين