أحتاج شمعة لإنارة حياتي

Part"15"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#بيداء
. كعدت الصبح شبعانه نوم كمت عدلت جربايتي ورحت للحمام غسلت وجهي ونزلت جوه شفتهم كاعدين
- بيداء :- صباح الخير
- صباح النور
- حليمة :- روحي ساعدي امج وجيبي الريوك
- بيداء :- من عيوني

. رحت للمطبخ صبحت ؏ امي ونقلت الريوك ورتبته بسفره يمهم كعدنه كلنه حجت بيبي
- حليمة :- كومي بيبي صحي اخوج ومرته

. هستوني اريد اكوم صاح بيه جدو ارجع لمكاني
- سلطان :- كعدي فهد راح من الفجر
- حليمة :- شني من الفجر
- سلطان :- راح ڷــ بيتهم غبشه
- حليمة :- ليش راح مو كال ابقه يومين
- سلطان :- عنده دوام
- حليمة :- لا اني اعرفة ضاج من وره هاي بنت الكلب
- سلطان :- كافي يامره
- حليمة :- لا مو كافي تعبت تره شنو ماكو الها رداد يردها
- سلطان :- اكو وان شاء الله كم يوم وتخلصين
- حليمة :- خلصت من زهراء طلعتي نور
- حنين :- عود صدك راح فهد
- سلطان :- اي راح عنده شغل
- حنين :- ليش ماحجه من ليل
- سلطان :- حجه إليه بس ومارد احد يعرف اني عرفته ضايج ولو مو مرته وياه جان رجع من ليل
- حنين :- سوده بوجهي شوكت يرتاح ابني واشوفه هوه ومرته وجهاله كدامي يفترون

. بقو يحجون لفترة طويلة وبيبي صارت تبجي وتنعي ؏ فهد نزلو اخواني ونسوانهم ؏ صوتها
- أيهم :- خير شصاير
- عمر :- شكو
- حليمة :- مرتك اذا ما تلزم حدها هذا البيت يتعذرها
- عمر :- شسوت بيبي
- حليمة :- أخخ يابوية ليش رحت وعفتني هنا اشبع قهر

. عافت الريوك وكامت لغرفتها دخلت وسدت الباب كام وراها جدو
- عمر :- شكو يمه شمسوية نور
- حنين :- البارحة بيبيتك كالت الها هيه وبيداء كومي سوي ريوك ڷــ اخوك ومرته هيه شلون تروح بهدوء لا مايصير ذبي حاجية وروحي
- عمر :- شحجت
- حنين :- كالت اي يدللون خطارنه اخوك ضاج وراح من الصبح
- عمر :- يعني زعل يمه
- حنين :- اي متشوف راح

. اخذ تلفونه وصار يدك علية ميجاوب سده وراح لمرته مانسمع غير بس صوت صايح شويه وطلعت
- حنين :- وين رايحه
- نور :- رايحه لبيت اهلي امشي عبير
- أيهم :- شعليها عبير
- نور :- اريد اختي تروح ويايه شكو باقية هنا
- أيهم :- متروح اذا تريدين روحي وحدج

. طلع عمر من الغرفة مبدل ملابسه دفعها وسحلها من ايدها وطلعها بره كعدت ماما ولزمت راسها
- حنين :- لا حول ولا قوة الا بالله شلون بيه ياربي ابقه طول عمري ابني بعيد عني