أحتاج شمعة لإنارة حياتي

Part"25"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. فزيت الصبح ماشفت فهد نايم يمي شفت ساعه بــ 9
- غزل :- وين راح معقولة عافني ونزل جوه

. اخذت ثوب طويل مستور لبسته ورحت للحمام غسلت وجهي وطلعت جمعت شعري وخليت شال ؏ راسي وطلعت قفلت الغرفة ونزلت جوه شفت بيبي حليمة وعمه حنين كاعدات
- غزل :- صباح الخير
- حليمة :- ياهلا صباح العافية
- حنين :- صباح الخيرات حبيبة
- حليمة :- تعالي يمه تريگي ويانه
- غزل :- اي

. رحت كعدت وياهن صبتلي عمه چاي شربت شوي منه وحجيت
- غزل :- فهد وين
- حليمة :- راحو للفاتحة بيبي
- غزل :- مو البارحة راحو
- حليمة :- هنا عدنه عادة كل يوم نروح وغير المساعدات خاف يحتاجون شي
- غزل :- لعد ليش ماكعدني
- حنين :- خاف عليج ماما
- غزل :- اممم

. أكلت وياهن شوي وكمت شربت علاجي ورحت ساعدت عمه حنين بــ الماعين
- حنين :- اخذ اجازة فهد
- غزل :- اي يومين علمود نجي هنا
- حنين :- يعني باجر تروحون
- غزل :- اي عنده شغل كم يوم ويلتحق
- حنين :- خير ان شاء الله الله يسهله ويرجع سالم
- غزل :- امين
- حنين :- شلونهم اهلج
- غزل :- الحمد الله بخير
- حنين :- عساهم بخير
- حليمة :- لعد وين بيداء
- حنين :- بيداء تنام تبقى سهرانه ليل كله من خلصت الإمتحانات لحد هسه
- غزل :- اي والله تعب الإمتحانات خليها تغير جو
- حنين :- تغير بس مو هيج بشرتها تتعب من قله النوم مو َخبال هوه ماما
- غزل :- مادري بس هيه تريد هيج
- حنين :- اي هاي بــفترة العطلة الدوام ينشال ابوها مايقبل
- غزل :- ليش عمو
- حنين :- يريدها توصل مايريدها تزوج وتروح وترجع ندمانه عاد ذب تعبها بشهادتها وهذاك الوقت إذا الله قسم إله ويه ابن الحلال عدها شهاده
- غزل :- اي صح نفس كلام ماما
- حنين :- ماكو مثل الأهل من يدورون راحه ولدهم بس مرات المواقف تعكس

. بقينه نسولف شوي بلشت تسوي غده وكفت يمها اساعدها صح متقبل بس شسوي ضوجة وسوالفها كُلش حلوة انجبر اوكف يمها كعدو كلهم من النوم وكفت سمر تسوي ريوك أجوي كلهم تجمعو وكعدو يأكلون...

. ڷــ 11:30 يلا اجَوي من الفاتحة اخذني فهد وصعدنه لغرفتنه سد الباب واجاني يبوس بيه
- فهد :- مشتاقلج
- غزل :- وخر
- فهد :- ها
- غزل :- ليش مكعدتني وياك الصبح
- فهد :- اويلي زعلانه مرتي
- غزل :- اي
- فهد :- طلعت مستعجل بوية وخفت عليج مو ليل مانمتي من بطنج
- غزل :- واذا اريد اكعدُ وياك
- فهد :- بعد راحت يابوية
- غزل :- اشتاقيتلك
- فهد :- بالي يمج طول ماكاعد خاف جاعت خاف بقت وحدها خاف ضاجت
- غزل :- كعدت بــ 9 ولكيت عمه مسويه اكل كعدت اكل وياهن بس ضجت لان أنتَ ماكو
- فهد :- هاي اجيت هسه اعوضج
- غزل :- حبيبي طالع تجنن
- فهد :- عليج الله
- غزل :- اي والله كاعده عليك الدشداشه البارحة ماشفتها عليك
- فهد :- ما لبستها البارحة
- غزل :- لعد شلبست
- فهد :- رحت بنطرون وقميص وكفنه ؏ شارع نسولف مانحس إله رجلية اخذتنه للفاتحة
- غزل :- هم تروح بعد
- فهد :- لا بس جدي يروح العصر
- غزل :- زين تبدل
- فهد :- اريد اسبح ولج
- غزل :- بارده حبيبي
- فهد :- محتر اني
- غزل :- ليش
- فهد :- من شفتج اشتعلت
- غزل :- عزه
- فهد :- يلا مرتي امشي نسبح سوه
- غزل :- ما بردانه
- فهد :- لا وصخه امشي
- غزل :- ما ما
- فهد :- هههه ولج امشي
- غزل :- اني وڷــ بيبي نبرد
- فهد :- اويلي من ڷــ بيبي بعده بكبر العدسه ومكاعد راحه
- غزل :- اي شبيك ابنك ضجت منه
- فهد :- ولج عوفي وتعالي بحضني
- غزل :- ما أنتَ متكعد راحه
- فهد :- وداعتج كل راحه يمي
- غزل :- فدوه حبيبي
- فهد :- يلا انطيني ملابس
- غزل :- شتلبس
- فهد :- تراك مثل العادة