أحتاج شمعة لإنارة حياتي

Part"35"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. كعدت العصر تقريباً بــ 5 شفت فهدي نايم عفته ينام براحتة وكمت شسورت شعري مبلل بعده من المي سويت الأطراف ويڨي وعفته مفتوح طلعت ثوب قصير دلع لبسته طلع يجنن عليه خليت حمره رماني ايلاينر ومسكاره سحبت العطر خليت وره أذني وفتحت صدري 

. طلعت لصالة تصل من البرد رحت للمخزن شفت كارتونه ماصوبه طلعتها وأخذتها للمطبخ مسحتها من التراب ورجعتها لصالة وشغلتها رجعت للمطبخ فتحت ثلاجة فارغه مابيها شي غير بطالة مي وأشياء معلبة اخذت ورقة وقلم وكعدت اكتب النواقص لان بخلال فترة كعدتي يم ماما تعلمت كم طبخة وأريد اطبقهن وحدي كتبت ورقة جبيرة من الاحتياجات خليتهن ؏ طاولة ورحت يم فهد تمددت بصفة وحضنته
- غزل :- حبيبي اكعدُ

. بقيت اهز بي لحد ما كعد
- غزل :- يلا اكعدُ مشبعت نوم
- فهد :- شبعت بوية
- غزل :- صح النوم
- فهد :- يصح بدنج
- غزل :- طلعت صوبه
- فهد :- ليش
- غزل :- باردة الصالة كُلش
- فهد :- ليش مكعدتيني
- غزل :- ميحتاج بس مسحتها وشغلتها
- فهد :- متكعدين انتي
- غزل :- لعد شلون ابقه نايمه يصير ملل
- فهد :- ديلا كومي
- غزل :- نكعدُ بره
- فهد :- اي يلا

. اخذني وطلعنه بره لصالة همزين الصالة دافية كعد ؏ القنفة وانتچه عليها باوعلي وطبطب بصفه رحت كعدت بصفة وبقيت اباوع لوجهة
- فهد :- ها يِروح
- غزل :- جوعانه
- فهد :- شوي واروح
- غزل :- عندي نقص غراض للمطبخ
- فهد :- شسوين بي اكلنه كله من بره
- غزل :- لا تعلمت اطبخ
- فهد :- اويلي تعلمتي
- غزل :- اي تعلمت من ماما
- فهد :- وشتعلمتي
- غزل :- امم مركه فاصوليا وطرشانه وتشرب دجاج وهم حلويات كيك وخشخش
- فهد :- عفية بمرتي
- غزل :- تريد اطبخ لك
- فهد :- ليش لا نشوف إبداعج بس مو اليوم خليها باجر
- غزل :- ليش
- فهد :- هسه اني ميت جوع وأريد اكل سريع مو مال انتظار خليها باجر
- غزل :- تمام

. سحب راسي وخلاه ؏ صدره بقيت ارسم دوائر ؏ صدره وابوس بي شميت ريحة چگاير رفعت راسي عليه شفته يشرب
- غزل :- الله صار هواية مشامه ريحتها
- فهد :- اشش وخري
- غزل :- فدوه والله طيبة خلي اشم
- فهد :- لا حبيبي تختنكين
- غزل :- فدوه حباب
- فهد :- يلا

. خله چگاره بين شفايفة وسحب نفس وذبه بوجهي
- غزل :- ههه الله يجنن
- فهد :- ريحتها مو طيبة
- غزل :- لا طيبة
- فهد :- يوم طيبة يوم لا
- غزل :- معلية اني هذا ڷــ بيبي مدري شبي
- فهد :- شبي
- غزل :- هوه يوم يحبها يوم لا
- فهد :- اذا الزمه انعل والدية
- غزل :- لا خطية عنوني
- فهد :- غير متعبج
- غزل :- فدوه إله لمهم يجي بسلامه
- فهد :- اوف اموت بحنيتج
- غزل :- اسم الله عليك
- فهد :- بعد روحي رايح اشتري باجة تاكلينها
- غزل :- لا مشتهية شغلة
- فهد :- شنو
- غزل :- اريد هاي الخبزه جوه الكباب وفوكها عصرت ليمون امم
- فهد :- لا تطلعين صوت
- غزل :- فدوه اشتهيتها
- فهد :- هسه اروح كومي جهزيلي ملابسي
- غزل :- شتلبس
- فهد :- طلعيلي تراكي الأسود
- غزل :- كله اسود
- فهد :- اي يلا تحركي
- غزل :- ماكدر تعبانه
- فهد :- اويلي مزوج مره لو مرمره
- غزل :- هيج صارت فهد
- فهد :- شنو ياعيون فهد
- غزل :- اني مرمره
- فهد :- اشاقة وياج تعرفيني
- غزل :- بعد لا تعيدها تره ازعل
- فهد :- صار
- غزل :- احبك
- فهد :- احبج اكثر