أحتاج شمعة لإنارة حياتي

Wednesday•14•June•2023

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. وهيج مر شهر كامل وصار عليه 5 تشهر َوبطني شوي بينت من البس ملابس خلصنه المنهج مالتنه وانطونه عطله علمود الامتحانات نقرأ صادفت ويه التحاق فهد صح قرأني قبل لأيروح بس المادة صعبة اخذت ماما اجازة علمود تقريني اول امتحان جان عندي عربي قرتني ماما وضبطت الماده عدل واخذني بابا للمدرسة جانت الاسئله سهله وكدرت اجاوب بقه ساعتين كملنه وطلعنه اجة بابا اخذني
- علي :- ها بابا بشري
- غزل :- الحمد الله جاوبت
- علي :- الحمد الله وهالة
- غزل :- مجاوبة
- علي :- خوش اكلتي
- غزل :- لا نسيت اكل بقيت متوتره
- علي :- يلا هسه نروح للبيت واكلي

. شغل السيارة وطلعنه بعد فتره وصلنه للبيت دخلنه لجوة شفت ماما واكفة تسوي ريوگ
- سرين :- ها حبيبتي
- غزل :- هلا ماما
- سرين :- جاوبتي
- غزل :- اي الحمد الله
- سرين :- خوش روحي اتصلي بفهد لان دك عليج 3 مرات
- غزل :- شوكت
- سرين :- هسه
- غزل :- يلا هسه احجي وياه
- سرين :- وين تعالي تريكي وبعدين احجي وياه
- غزل :- لا ماما خاف يزعل
- سرين :- ماما تريگي وبعدين روح كعدي يلا

. فتحت الحجاب وكعدت صبتلي چاي وبلشت اكل كعد يمي بابا ياكل وياي
- علي :- سرين سويلي گهوه حلوة
- سرين :- تريگ ياعيني
- علي :- شبعت

. راحت ماما سوي نزلت نضري ورجعت اكل لحد ما شبعت عفتهم يسولفون سوية ورحت للغرفة اخذت تلفوني واتصلت عليه رن مرتين يلا جاوب

✆
- فهد :- ها روح روحي
- غزل :- هلا حبيبي
- فهد :- بشري بوية جاوبتي
- غزل :- اي الحمد الله
- فهد :- شوكت رجعتي
- غزل :- قبل شوي
- فهد :- تريگتي
- غزل :- اي هسه تريگت واجيت
- فهد :- زين يابة اخلص شغلي واحجي وياج
- غزل :- تمام حبيبي
- فهد :- يلا بوية
- غزل :- باي
- فهد :- هلا عيني

. سديت الخط ورحت طلعت ملابس ورحت للحمام كُلش حارة فتحت الدوش ؏ مي بارد ودخلت جوه رتاحيت كُلش بعد فترة خلصت سبح وطلعت مشطت شعري وكعدت أقره

. وهيج مرت الامتحان كلها زينه بس ڷــ فيزياء مجاوبت بيها جانت الاسئله كُلش صعبة طلعت من الامتحان ابجي شفت هالة هم طلعت تبجي كعدنه سويه نبجي ؏ الدرج
- غزل :- جاوبتي
- هالة :- لا
- غزل :- صعبة الأسئلة كُلش شلون بيه اذا عرف فهد
- هالة :- وماما هم والله تضربني

. كمت ابجي بصوت باوعت لوجهة هالة شفتها تعصر بعيونها وتبجي باوعتلي وطكتها بضحكه نوب مخ##ا نزل متت من الضحك ماعرف ابجي لو اضحك اخذت اكلنس مسحتها
- هالة :- اني رايحة للبيت حتى لو حصلت كتله ميخالف
- غزل :- واني هم اخذيني وياج
- هالة :- يلا