أحتاج شمعة لإنارة حياتي

Part"14"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. كعدنه الفجر ويه الأذان كمنه صلينه وجمعنه ملابسنه وبدلنه تأكدت ماكو شي ناقص وطلعنه قفل الغرفة فهد ونزلنه شفت جدو كاعد
- سلطان :- ها بوية راح تروحون
- فهد :- اي هم ياالله نوصل
- سلطان :- من توصل خابرني
- فهد :- ان شاء الله

. ودعنه جدو وطلعنه بره طلع سيارة فهد وطلعت بره صعدت ونطلقنه لبيتنه خلصت الطريق نص سوالف ونص نوم خاف ينام فهد ومايدري بنفسه ڷــ 6:30 وصلنه البيت لان جان الشارع فارغ وسياقة فهد كُلش سريعة

. نزل فهد فتح الباب واجه دخل السيارة لجوه فتحت الباب ونزلت
- فهد :- روحي كدامي تمددي ونامي
- غزل :- وأنتَ حبيبي
- فهد :- بس اغطي السيارة واجي
- غزل :- لا تتأخر

. فتحلي الباب ودخلت رحت للغرفة فتحت الباب وبقيت اباوع عليها كُلش اشتاقيت الهاا عفت الغرفة تتهوه ورحت شغلت السبلت ورجعت لغرفة لملابس نزعت ملابسي كلهم وطلعت ثوب نوم خفيف قصير ودلع فتحت شعري وأخذت تنت وخليت سحبت عطر ورشيت بفتحت صدري ومسحته

. اخذت لملابس الوصخه وخليتهن بسله الغسالة دخل فهد ينزع بتشيرت شمره بسله واجه يمي
- فهد :- نام
- غزل :- بكيفك حبيبي
- فهد :- نام احسن وناخذ شوط من نكعد
- غزل :- شوط شنو
- فهد :- بعدين تعرفين تعالي

. حاوط خصري وبأس راسي مشه بيه بــتجاهه غرفتنه دخل وقفل الباب نزع البنطرون وشمره ؏ القنفة رحت تمددت بمكانه وغطيت نفسي
اجه صار فوگ راسي
- فهد :- وخري
- غزل :- لا فدوه اريد انام هنا
- فهد :- متعود انام هنا
- غزل :- فهدي
- فهد :- اوف شكلتي
- غزل :- فهدي
- فهد :- ياروحه لفهدج ابقي بمكانج

. صار فوگي وعبرني نام بمكاني رحت يمه خليت راسي ؏ صدره وحضنته
- غزل :- حبيبي
- فهد :- روحه
- غزل :- ليش رجعنه من وقت حتى بدون لا نودعهم
- فهد :- احسن
- غزل :- شلون احسن
- فهد :- اذا ابقه لظهر ماطلع ابقه لليل احب اطلع هيج وقت بسفر
- غزل :- يجون بسبعه
- فهد :- ماعرف
- غزل :- اممم
- فهد :- نص السنه آخذج ونسافر
- غزل :- صُدك حبيبي
- فهد :- اي وين عاجبج نروح
- غزل :- ماعرف ؏ ذوقك
- فهد :- تريدين بره
- غزل :- لا
- فهد :- آخذج ڷــ أربيل
- غزل :- اريد منطقة حلوة
- فهد :- دهوك
- غزل :- ماعرف ذوقي يتعب خليها وقت متصير نقرر
- فهد :- ماشي
- غزل :- هاي شنو راح تنام
- فهد :- اي نعست حبيبي
- غزل :- ابقة وحدي كاعده
- فهد :- مو يمج اني
- غزل :- راح تنام
- فهد :- بس تحسين بشي كعديني
- غزل :- شحس مثلاً
- فهد :- غير تخافين
- غزل :- ها
- فهد :- هههه شبيج
- غزل :- مابيه بس فدوه لا تنام قبل لا انام اني
- فهد :- صار