أحتاج شمعة لإنارة حياتي

Part"5"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. مر يوم وثاني يوم أجوي عمامي من الصبح جانو اهلي موجودين بــ البيت عطلة عدهم ندكت الباب حيل طلع ابوية يركض طلعنه وره جان عمي هاشم ولده
- هاشم :- ها يا علي راح ابوية وصار ماكو احترام ڷــ جبير
- علي :- خير شصاير
- هاشم :- بنتك غزل صدك انخطبت
- علي :- اي
- هاشم :- وراح تنطيها
- علي :- اي موافقين شتريد يعني
- هاشم :- وابن اخوك لي يريدها
- علي :- ما انطي بنتي الكم
- هاشم :- ليش شبينه
- علي :- تعرف كلش زين شبيكم
-

هاشم :- يعني هذا اخر كلام عندك
- علي :- اي وشتريد تسوي سوي
- هاشم :- تره اخلي ينهي عليها واكسر رگبتها
- علي :- هاي سالفة ما تمشي عندي روح احجيها ڷــ زعاطيط البت اجاها نصيبها وراح تروح
- هاشم :- صرت دور مستويات
- علي :- اذا علمود بنتي ادور مستويات
- هاشم :- تغيرت
- علي :- علمود بنتي وساعدتها اتغير ومايمهني شي
- هاشم :- ولك اني اخوك
- علي :- لو مدري منو مراح اغير رائي وصل الجواب ڷــ ناس وخلص
- هاشم :- اذا هيج لا خطوبة ولا عرس نحضر
- علي :- الله وياكم

. طلعو وسد الباب وراهم كعد بــ الحديقة يشرب چگاير راحت اله ماما وكعدت بصفة
- سرين :- شو تكول رجعنه جواب شنو خابرتهم
- علي :- لا بس علمود اخلص منهم
- سرين :- وشنو قرارك
- علي :- قراري مثل قرار غزل توافق اني موافق اهم شي راحتها
- سرين :- موافقة غزل نرجع جواب
- علي :- رجعي

. دارت وجهه ماما إلية واشرتلي اجي رحت يمها دنكت عليها وهمست
- سرين :- روحي خابري وكولي إله اريد رقم ولدتك

. وخرت عنها وهزيت راسي صعدت لغرفتي اخذت تلفوني واتصلت عليه رن جاوبني بسرعه

✆
- فهد :- ها روح روحي
- غزل :- هلاو شلونك
- فهد :- زين انتي شلونج
- غزل :- الحمد الله اكُلك
- فهد :- كولي
- غزل :- اريد رقم ولدتك
- فهد :- شسوين بي
- غزل :- نرجع الموافقة
- فهد :- اللهم صلي على محمد وآل محمد بهاي السرعة
- غزل :- ليش تريد شكد
- فهد :- يوم الخميس تجي المشية حضري روحكم راح ادز الرقم وخلي تتفق امج وامي وانطي رقمي ڷــ ابوج تا احجي وياه
- غزل :- هسه تحجي
- فهد :- اي من تحجي امج ويه امي عود انطي رقمي وكانو اول مره نحجي
- غزل :- تمام
- فهد :- يلا بوية نبقه ؏ اتصال
- غزل :- باي
- فهد :- هلا

. سديت الخط وكعدت انتضرت شوي ودز رقم دخلته وحفظته نزلت جوه شفت ماما بــ المطبخ انطيتها تلفون ودكت عليها بقن يحجن نص ساعة سدته وحجت
- سرين :- يوم الخميس المشية
- غزل :- كال فهد
- سرين :- مرتاحة ماما
- غزل :- اي
- سرين :- اني لمصلحتج ماريدج تزوجين ابن عمج لان عمامج همج ومايحترمون المرة ويضربوها وفهد حباب وخلوق واكيد راح يسعدج
- غزل :- لا تخافين ماما متأكد من قراري ومزعلانه
- سرين :- كالت بس مشيه واني برائي نعقد احسن
- غزل :- نعقد ليش
- سرين :- حتى خاف عمامج يبقى امل عدهم تخرب الخطوبة
- غزل :- ؏ حجيج لازم اشتري ذهب ونحضر الكوشة لان مبقة شي بس 4 ايام
- سرين :- كله يتحضر خلي احجي ويه ابوج ونتفق وياه وارجع اخابرها
- غزل :- تمام