أحتاج شمعة لإنارة حياتي

Part"4"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#بيداء
. مرت 3 أشهر وفهد ميجاوب علينه ولا ؏ اتصالاتنه من بعد ماعرف جدو شسوت زهراء حبسها مره ثانيه بــ غرفة محد يدخل عليها غير بس امها تأخذ الها اكل قرر ابوية ياخذنه ڷــ بغداد نشوف فهد راح ويانه بس جدو

. من بعد طريق طويل وتعب وصلنه بيت فهد جانت المنطقة لي كاعد بيها كُلش رايقة وهدوء بيته بيت حديث هوه مسوي تصميم دكينه الباب تقريبا ربع ساعة وماكو ردنه نرجع ڷــ سيارة نفتح الباب

. طلع فهد لابس بس برموده وشعره مخربط وفاتح عين وثانية سادها
- محمود :- شبيك بوية صار ساعة ندك
- فهد :- جنت نايم تفضلو

. سلمنه عليه ودخلنه جوة شفت البيت يخبل من نظافة دائما هوه يطبخ وينظف كعدنه واجة كعد يمنه
- سلطان :- صار شكد نتصل عليك ليش متجاوب
- فهد :- جنت بواجب وتلفون هنا بــ البيت
- سلطان :- لا تجذب تره اعرفك زين
- فهد :- اي اجذب اريد ارتاح
- محمود :- امك قلقت عليك عبالها بيك شي
- فهد :- مابيه شي

. كام وراح للمطبخ بقينه واحد يباع لثاني دخل بيده صينية بيها عصاير ومي خله كدام كل واحد وكعد
- فهد :- بما انو اجيتو عندي موضوع وياكم
سلطان :- خير
- محمود :- شعندك
- فهد :- اريد ازوج
- محمود :- تزوج؟
- فهد :- اي شنو مايحقلي ازوج
- حنين :- منو تريد
- فهد :- وحده بالي
- محمود :- مو هسه اصبر خلي ازوج اخوانك مابقه شي ؏ زواجهم
- فهد :- شكد طولون
- محمود :- هذا الأسبوع
- فهد :- ماصبر اني
سلطان :- شبيك بوية اتحمل بس هذا الأسبوع ونروح نخطبلك
- فهد :- ماشي

. بقينه نسولف لوقت طويل كام ڷــ غرفتة بدل واجة
- فهد :- كومو عازمكم ؏ غده
- سلطان :- العصر نرجع
- فهد :- ليش
- محمود :- باجر عدنه دوام بوية وهاي اختك عدها امتحانات وزاري
- فهد :- براحتكم

. طلعنه برة طلع سيارتة وقفل البيت اتفقنه ؏ مطعم نلتقي بي وراح كل واحد بسيارته وصلنه كدام مطعم راقي نزله شفنه فهد واكف ومنتظرنه دخلنه سوه للمطعم حجزنه طاولة وكعدنه اجه نادل وطلبنه اكل مره الوقت بين سوالف وضحك ودعنه فهد ورجعنه لبيتنه...

. مر كم يوم بسرعه خلصت امتحاناتي وتم زواج اخواني أيهم وعمر اخوات اثنين خطبناهن الهم جانت مره أيهم كُلش حبابه بس مره عمر لسانها كُلِش طويل وصخه مع مرور الايام عرفنها اتاخرنه ؏ خطوبة فهد بقه يتصل ؏ ابوية ويكول اذا ماتجي تخطب اروح اخطب وحدي واخذها...