أحتاج شمعة لإنارة حياتي

Part"20"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. كعدني الصبح فهد اخذني ڷــ دوام وراح ڷــ شغلة دخلت لجوة شفت هالة تمشي بــ المرمر شافتني وابتسمت بوجهي
- هالة :- صباح الخير
- غزل :- صباح النور شلون صرتي
- هالة :- زينه الحمد الله
- غزل :- ان شاء الله دوم زينه شوكت اجيتي
- هالة :- صار 10 دقايق
- غزل :- منو وصلج لا تكولين مشي
- هالة :- لا بعد ماامشي أخوية صار يوصلني
- غزل :- اي زين خاف يجون عمامج وتصير مشاكل
- هالة :- اي

. دخلت لصف وخليت جنطتي برحلة طلعت بره يمها صرنه نشمتي بساحة لحد ما دنك الجرص وسوو اصطفاف صارن يحجن ؏ ريحة الصف والأكل ممنوع بي وغيرها خلصت المحاضرة مالتهن ودخلونه للصفوف شويه ودخلت ام ڷــ عربي بلشت تشرح ألنه نطتنه تمارين وبقت تسولف ويه البنات بموضيع عامه درت وجهي ؏ هالة شفتها صافنه
- غزل :- اكلج نحل هنا
- هالة :- ليش بــ البيت احسن
- غزل :- احسن هنا نخلص كم موضوع ماريد اتعب فهد
- هالة :- شعلية
- غزل :- مو هوه يدرسني خطية ماريد أكثر علية
- هالة :- يلا لعد

. طلعت دفتر العربي وصرت اخطط حلينه التمارين سوية لحد ما دك الجرص وهيج مر اليوم صار درس الخامس رحت للحانوت اشتريت بطل مي وعصير وكيك وجبس فستق كعدت ؏ الحديدة مال الحديقة فتحت الماي وشربته همزين بارد اجت يمي هالة كعدت جانت هم مشترية
- هالة :- ماياخذونه درس سادس
- غزل :- ليش
- هالة :- هسه اجت بنيه تفتر ؏ صفوف تكول المديرة طلعو
- غزل :- لعد خلي نطلع
- هالة :- رايحة البس اني
- غزل :- جاية وياج

. اخذت غراض ورحت وراها لبست حجابي وأخذت جنطتي رحت للإدارة اخذت تلفون من المديرة وخابرت ؏ فهد مسحت رقم وطلعت بره شفت هالة راحت ويه اخوها دقايق واجة فهد فتحت الباب وصعدت تقرب بست خده وخرت
- فهد :- اليوم من وكت
- غزل :- اي طلعونه ماكو درس أخير
- فهد :- وجهج احمر وين جنتي
- غزل :- جنت كاعده بــ ساحة
- فهد :- اويلي
- غزل :- جوعانه حبيبي
- فهد :- مو عندج فلوس
- غزل :- عندي واشتريت بس ماأكلت
- فهد :- شنو اشتريتي
- غزل :- جبس ونستله وعصير وبطل مي
- فهد :- هذا اكل بلا
- غزل :- لعد شاأكل

. هز ايده وطلعنه وكف كبال مطعم نزل جاب اكل واجة وصلنه للبيت وصف السيارة بره
- فهد :- يلا بوية نزلي
- غزل :- متنزل وياي
- فهد :- عندي شغل اخذت اجازة زمنية علمود اجيبج
- غزل :- شوكت ترجع
- فهد :- احتمال بليل عندي شغل هواية قفلي البيت زين اذا تريدين تنامين
- غزل :- ماشي بس لا تتأخر فدوه
- فهد :- ان شاء الله