أحتاج شمعة لإنارة حياتي

Part"9"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. مرت كم يوم واتفقنه ؏ موعد العرس وثبت يوم الخميس جنت كُلش فرحانه لحد ما اجت الصدمه جنت كاعده بــ الحديقة اني وماما نشرب گهوه وأتصفح ؏ نت اجتني مسجات من رقم غريب ؏ الواتساب
- سرين :- هاي منو
- غزل :- ماعرف

. فتحت الواتساب ودخلت ؏ المحادثة جانت بس مسجات
- مرحباً ياحلوة
- نايمه ورجليج بــ الشمس
- زوجج لي عبالج أنظف واحد بــ الكون عنده علاقة وياية ويحبني

. صفنت ؏ الكلام بلعت ريگي بغصه سمعت صوت ماما
- سرين :- شبيج ماما تره ماعدها إثبات
- غزل :- لعد ليش هيج تحجي
- سرين :- ماعرف انطيني اني احجي وياها

. أخذته تلفوني وكتبت
- اذا عندج إثبات دزلي تره مافارغين الج

. دزتها وبسرعه نفتح المسج دزت صوره شهكت من شفت فهد نايم وزهراء بنت عمه نايمه بحضنه بدون ملابس بقيت بدون حركه بهتانه معقولة يطلع من فهد كل هذا اخذت تلفون منها وبقيت اكلب بيهن جانت نايمه بحضنه وهوه داير وجهه ونايم
- سرين :- خاف فوتشوب
- غزل :- لا ماما هاي الحقيقة رب العالمين اكيد كشفة قبل لا نزوج
- سرين :- شتقصدين
- غزل :- بس يجي بابا اخلي يطلگني منه وخلي يتهنى هوه بنت عمه

. ركعت التلفون بــ الكاع وصعدت الغرفتي ابجي صرت املش بشعري شلت العطر وركعته بــ المراية انكسرت وكعت دخلت ماما ؏ صوت
- سرين :- وچ يمه تخبلتي
- غزل :- ليش ضحك عليه
- سرين :- احتمال سوه فهم ماما اكيد تريد تخرب بينكم
- غزل :- لا ماتخرب اعرفها تحبه وبكل مره اسئله يتهرب مني وميجاوبني ليش تزوجني ليش كسرني وليش خلاني احبه من الأساس

. وكعت بــ الكاع ابجي اجت ماما تهدي بيه
- سرين :- كافي هسه اخابره وافتهم منه
- غزل :- لا تخابري عوفي اكيد عاشق بنت عمه ويمثل علينه
- سرين :- لا ماما ماريدج هيج افتهمي منه اول يلا تحكمين
- غزل :- ماريد اصير مثالية اريد بابا يطلگني منه
- سرين :- اريد افتهم ؏ شنو تبجين
- غزل :- لان جذب عليه اخذني وهوه مايحبني ضحك عليه ماما

. وخرت عني وطلعت بره نمت بــ الكاع وحضنت رجلية لصدري احس گلبي كُلش يوجعني ليش جذب عليه معقولة اكو شي جبره يزوجني بس ليش يضحك عليه ليش ماصارحني وكال احب بنت عمي صورهم جانت تخلي اي واحد يشك بينهم علاقة جنت انسانه عادية ادرس واطلع واطب ويه صديقاتي ليش دخلت حياتي ليش خليني اتعلق بيك وتصير حلم وردي كدامي

. دخلت ماما للغرفة بقت واكفه بــ الباب تباوعلي
- سرين :- راح يجي وتفاهمي وياه
- غزل :- خابري خلي يجب السيد يطلگني
- سرين :- كبري عقلج وافهمي منه اذا جان وياج الحق كلشي ينتهي بينكم