ပင်လယ်​ပျော်၏ချစ်ပုံပြင်(Completed)

Part1

"ရှိန်း ဟိုမှာ မင်းလူကြီးလာ​နေပြီ"

သူငယ်ချင်းဖြစ်သူထက်​အောင်၏စကား​ကြောင့် လှည့်ကြည့်လိုက်​တော့ လူဆီတန်းတန်းမတ်မတ်​လျှောက်လာ​နေသည့် ဟိုဦး​လေးကြီး
ဒီဦး​လေးကြီးက ဘာဖြစ်ချင်​နေတာလဲမသိ၊သူ့သူငယ်ချင်းဆီလည်း ရှင်းပြပြီးပြီပဲကို အခုထိ လူကိုလိုက်ပတ်သက်​နေတုန်း
ရှပ်အင်္ကျီကိုလက်​ခေါက်ဝတ်ပြီး ​ရှူးဂါးဒယ်ဒီအထာနဲ့ ​လျှောက်လာသူကို ရှိန်း နှာ​ခေါင်းရှုံ့လို့သာ အကြည့်ပြန်လွှဲလိုက်မိသည်။

"ချာတိတ် မူး​နေပြီလား"

"ကျွန်​တော့်ရုပ်က မူးတဲ့ရုပ်​ပေါက်​နေလို့လား"

"ဪ ဝါရင့်အရက်သမား​တွေက ​တော်ရုံမူး​နေ​တောင် ပုံမှန်လို​နေနိုင်ကြတယ်​လေ"

လူကို အရက်ဂျိုးလို့ သွယ်ဝိုက်ဆိုချင်​နေတဲ့သူကြီးကို ရှိန်းတစ်​ယောက် မျက်​စောင်း​တွေချည်းသာ လှိမ့်ထိုး​နေမိသည်။
တကယ်ဆို အ​ပေါင်းအသင်း​တွေနဲ့ ​ပျော်ပါးချင်လို့သာ ဒီလိုဘား​တွေ၊ကလပ်​တွေကိုလာတာ
သူက မူးရူး​နေ​အောင်​ဖြင့် တစ်ခါမှ​သောက်ဖူးတာမဟုတ်။​ကော့​တေးလ်တစ်ခွက်၊ဘီယာတစ်ခွက်​လောက်နဲ့ အမြည်းချည်းထိုင်စားတဲ့အဖွဲ့က။

"ဟဲဟဲ နှစ်​ယောက်သား စကား​ပြော​​နှင့်ကြဦး​နော့်၊ကျွန်​တော်သွားကလိုက်ဦးမယ်"

"ဟာ ငါလည်းလိုက်မှာလို့ ထက်​အောင်"

"မင်းကလည်း ဧည့်သည်ရှိ​နေတာကို ဧည့်ခံရမှာ​ပေါ့၊ပြီးမှက
သွားပြီ ​​ဟေ့​ကောင်၊ဦး​လေး သွားလိုက်ဦးမယ်​နော့်"

ပြုံးဖြဲဖြဲနဲ့ထို​ကောင်​လေးထွက်သွားတာနဲ့ နှုတ်ခမ်းစူပြီး လူကိုမကြည်သလိုကြည့်လာတဲ့​ကောင်​လေး
​ဒီ​ကောင်​လေးက ​လှတာ​​တော့ အ​တော်ကြီးကိုလှတာ၊သူ့ပုံကိုက ​ချောလိုက်တာဆိုတာထက် လှလိုက်တာဆိုတဲ့စကားမျိုးနဲ့ ပိုသင့်​တော်တဲ့အလှတရားမျိုး
နှုတ်ခမ်း​တွေက နှင်းဆီဖူးလိုရဲ​စို​​နေပြီး နှာတံ​ထင်းထင်း​လေးက ထိပ်ဖျားမှာလုံးလုံး​လေးဖြစ်​နေပုံက ကိုက်ချင်စရာအတိ။
မျက်ဝန်းအိမ်​တွေက ရှည်ရှည်ကျယ်ကျယ်​လေးဖြစ်ပြီး မျက်​တောင်​တွေက​ ​ကော့မ​​နေဘဲ ရှည်စင်း​နေ​တာက လူ​တွေ​ပြောကြတဲ့ အငိုသန်တဲ့က​လေး​တွေရဲ့သင်္ကေတပဲထင်ပါရဲ့။
အလည်မကျ၊​ဘေးမကျခွဲထားတဲ့ ​ကော်ဖီ​ရောင်ဆံပင်​တွေက ​နောက်ပိုင်းမှာလည်း လည်တိုင်နားထိ ရှည်ရှည်​လေးဖြစ်​နေ​သေးတာ။
ခြုံငုံ​​ပြောရရင်​တော့ ပစ်ရက်စရာမရှိတဲ့ အလှမျိုး၊လူတစ်​ယောက်ကို စိတ်ရိုင်းဝင်​အောင်ထိ လုပ်နိုင်မဲ့ အလှမျိုးပါပဲ။
အခု​ခေတ်​​ကောင်​လေး​တွေက ဒီလို​တွေပဲ လှကြသလားလို့​တောင် သူအံ့အားတသင့်​တွေးမိ​ရသည်အထိ ရှိန်းဆိုတဲ့ချာတိတ်​လေးက နုနုဖတ်ဖတ်​လေးနဲ့ လှပါသည်။