ركض عماد خلفها يريد الالحاق بها، تحدثت اليه والدته على الدرج:
ـ ايه اللي حصل.. ضربتها ليه يا موكوس؟
تحدث عماد بغضب:
ـ بت قليلة الادب يا امي والفلوس جمدت قلبها وبقت تشوف نفسها عليا
تحدثت اليه والدته:
ـ طب تعالى احكيلي ايه اللي حصل وانا اروح اراضيها بكلمتين وارجعها تاني
دخل عماد مع والدته وهو مطمئن ان عزة لن تستطيع ان تفعل له شئ، كونها وحيده وليس لديها احد كي يآخذ لها حقها.
____________
في شقة والدة فرح.
جلست عزة تبكي بانهيار، تحدث اليها اسلام بغضب:
ـ قومي تعالي معايا هعملك تقرير طبي ونعمله محضر تعدي في القسم
تحدثت عزة ببكاء:
ـ وبعدين يا اسلام، هو كده يعني هيطلقني واخد حقي
تحدث اسلام بقوة:
ـ هتطلقي وتاخدي كل حقوقك يا عزة، هنوكل محامي كويس ونخليه يجبلك كل حقوقك منه ويطلقك غصب عنه
نظرت عزة الي والدتها، تحدثت اليها والدتها بحزن:
ـ متغلطيش غلطة امك يا عزة وتقفي في النص، اختاري دلوقتي، يا تكملي معاه وترجعيليه يا تطلقي منه وتعيشي حره
تحدثت عزة ببكاء:
ـ انا مستحيل ارجعله تاني.. انا مبقتش بكره حد في الدنيا زي ما بكرهه، وبعدين ده حمّل عليا وانا كنت مستحمله عشان عيالي، بس بعد اللي عرفته ده انا مبقتش آمن علي نفسي ولا علي عيالي معاه، ده ممكن يبعني انا وعيالي لو طال يعمل كده
تحدثت والدتها بقوة:
ـ يبقى تروحي دلوقتي مع ابن خالتك وتوكلي محامي واعملي كل اللي يقولك عليه وخدي حقك
تحدثت عزة وهي تجفف دموعها:
ـ هروح يا امي وهاخد حقي وحق اختي
____________
بعد مرور ثلاثة اشهر.
بفرنسا.
بداخل غرفة يونس بالمشفى.
جلست فرح بجواره فوق الفراش وهو مازال غائب عن الوعي.
مسكت بيده وهي تقرأ له القرآن الكريم بصوتها الجميل.
وقف والد يونس يتابع ما تفعله فرح طوال الثلاثة اشهر دون ملل او فقدان الامل في عودة زوجها الي الحياة مرة أخرى، كانت تتعامل مع يونس وكأنه يستمع اليها ويشعر بها حقا، كانت تأخذ بيده وتضعها فوق بطنها كي يشعر بطفله وهو يتحرك بداخل رحمها، قارن بينها وبين إيلين مجددا، يعلم ان المقارنة دائما لصالح فرح، علم مؤخرًا ان إيلين اجهضت الطفل الذي كانت تحمل به، بعد ان فقدت الامل في عودة يونس الي الحياة، اختارت إيلين حياتها وسافرت الي بلد اخرى كي تتابع حياتها من جديد، لكن فرح توقفت حياتها هنا بجانب زوجها، لم تفقد الامل بعودته ولم تفقد ايمانها بالله ودائما حريصة على تأديت فروضها والدعاء له في كل صلاة.
