في بيت ابو معن الله يرحمة
عهد : يا حبيبي يا معن كلفت على نفسك
معن : وخيتي تستاهلين كل خير
**عهد كانت متخرجه وهداها ساعة**
معن : عينه على نوير وش فيتس ياخوك؟
نوير : هلا مافي شي يابعد قلبي متى تبون العشاء
نايف : تكفين يا نوير الجوع قاتلن
نوير وهي تطالع بصدمه واللي حطيتلك بالمطبخ ؟
نايف وهو يصرف : هاه مدري بكيفكم يا محسسننن جب الكوره ويسحب نفسه
معن : ياخوكم بكرا ان شاء الله رايحين حايل نبي نتمشى واطلعكم من جو ذا الديره
عهد : اي والله انا مليت هنا مره ماعاد اتحمل
نوير : والله بكيفكم ما تفرق معي وهي تهوجس
نايف : انا ومحسن بنقعد بالديرة مو برايحين معكم
معن : وش عندك انت وياه ؟
محسن : العيال بيجتمعون بكرا وعطيناهم كلمة
معن : انتبهو لنفسكم
**
معن
ماتزوج عشان ما ينشغل عن اخوانه يبي يوفر لهم كل وقته وهذا اللي خلاه يحرم نفسه من الزواج
**
قامو البنات يتجهزوه ويلبسون وكانو كأنهم اميرات بعبياتهم على الراس بكامل حشمتهم ورضاهم التام ركبو السيارة وهم مبسوطين ويسمعون محمد عبده ويرددون وراه " ما تمنيتك لانك كنت ابعد من خيالي " وتعالت ضحكاتهم بالكلمات اللي مو حافظينها كامله ماهي ثواني الا صراخ عهد يملى السيارة !!! ...
عند نايف و محسن
نايف : نوير سوت حلى وخبته وش رايك نسرقه للعيال
محسن : بخوف ياولد ماتعرفها ام شوشه ذي بتطير فينا
نايف : يرجال قد انه طاح ببطوننا ماتقول شي
محسن : بتأيدد .. وجهة نظر تم
وهم يدورونه بالمطبخ نط محسن : لقييييتهههه
نايف : انهج تاخرنا
محسن : راع صحون وملاعق
اخذها نايف ومشو
عند معن وخواته
فتحت عيونها وهي تشوف بخار يطلع من السيارة بكثره وتمسك راسها وتطالع الا تشوف اخوها و اختها طايحين بوسط الطريق الا تصرخخخ بكل قوتهااا
معنننننن عهددددد والدموع بعيونهاااا لا تخلونييي تكفون لا تخلونييي
وهي تفتش بجيوب معن تدور جواله وهي تشهق و
تبكيييي وتناظر اختها و اخوها وهم طايحين ماتدري هم ميتيين ولا حيين
وتمسح على وجه اختها بخوف وماتدري مين تكلم وجوال اخوها ماتعرف رمزه وهي تبكي بقلة حيلة ووجها بحضن اخوها وماسكة يد اختها
عند بيت ابو فيصل :
فيصل : ماهر ياخوك ابو حاتم عنده بضاعه في ديرة الشملي رح خذ الامانه من عنده وعطه ذا المبلغ
ماهر : يا فيصل تعرف اني ما اداني ذا الديرة
فيصل بعصبية : لا حول ولا قوة الا بالله ، قلت لك كلمه اسمعها مين اعتمد عليه هنا بعد فياض الا انت
ماهر بقلة حيلة : ابشر ، وهو رايح لسيارته جاه فيّاض : على وين ؟
ماهر : رايح الشملي
فياض : وشو له
ماهر : فيصل يقول فيه بضاعه هناك موصين عليها
فياض : والله اني انود (نعسان) بس انتظرني بجيب اغراضي واخاويك
ماهر : انتظرك
عند محسن و نايف : مبسوطين ويلعبون بلوت وضحك ووناسه
تركي ( خوي العيال ) : محسن اهلك متى راجعين
محسن : والله مدري معن مادق علي ليش تسال
تركي : قلت نروح الاسطبل حقكم ونشب النار
محسن : والله ماهيب شينه ، قال للعيال ومشو كلهم للاسطبل وكشتو وكان الجو بارد كل واحد عليه فروته ومتلثم
ويسولفون
سامي (خويهم) : تخيل يا نايف يطلعلك عقرب وانت ماتدري
نايف حسبالك بخاف يرجال وانا ولد عنزه ما اخاف
تركي وهو يرمي على ظهر نايف بغفله ضب كذبي
نايف وهو منخرش يابننن ال ********
والعيال ميتين ضحك
نجمة و كومنت يسعدني🤍🤍
أنت تقرأ
بحارب حتى تعود املاكي حره
General Fictionنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
