موقق | الساعة 1:00 الظهر |
حياكم يمه حياكم اسفرت وانورت
ساره وهي تطالع السفره : ياقلبي يا يمه منيره ماقصرتي والله
ماهر : ماقصرتي والله يام خالد تعبناتس
ام خالد : قليل بحقكم يمه تفضلو تفضلو
نهى وهي تناظر ساره : يويلتس ماتاكلين ترا تعبانين عالسفره
ساره : ياقلبي انتو
ماهر : مب اكل مع العيال ازين؟
ام خالد : لا قلتلهم اليوم انت عندنا
ابتسم ماهر
قعدو ساره و ماهر ياكلون
وكانت ساره تسولف مع نهى بينما ماهر يسولف مع ام خالد
ام خالد : دق الباب علينا قبل شوي وفيصل لزم عليه يتغدا معنا
ماهر : وهو توه يتذكر ان عنده خوات
ام خالد : مدري
حياة : مين يمه
ام خالد : سليمان اخو منال ونوره و سهام
ساره : عندهم اخ؟
حياة : ايه لكنه هرب منهم وترك لهم رساله انه بيتزوج وبيستقر
ساره وهي عاقده حواجبها : كيف يترك خواته لحالهم كذا خصوصاً بموت ابوهم
حياة : مايعتبرونه اخ اصلاً
كملو اكل
عند الرجال |
حياك الله يا سليمان
سليمان : الله يبقيك
فيصل : وين كنت طول هالسنين ؟ خليتنا ومشيت
سليمان بتنهيده : ابوي ماهو شخصٍ ينجلس معه يا فيصل وانت خابر كيف كان معيشني
تذكر فيصل كلام نيّاف ولده فرك عينه وهو يقول يمكن ابوك له اسبابه يا سليمان
سليمان : رحت لخواتي ولا عرفوني
فيصل : معليك ياخوي بندخل ونتكلم معهم
سليمان بحرج : اي بس الاهل معي بالسياره لو اني انزلهم
توسعت عين فيصل : ومخليهم بالسياره في ذا الجو الله يهداك
قام فيصل يعلم ام خالد بدخول اهل سليمان
اما سليمان كان يعلم حرمته وبناته الثنتين
نزل سليمان ومعه اهله ودخلو البيت
رحبت ام خالد في اهل سليمان وجلستهم على الغداء
ام خالد : اسفرت وانورت والله
ام جوري : والله بخير ، عاد اعذرينا على الزياره المفاجئه قلت لابو جوري يعلمكم لكن قال ماعنده ارقام العيال
ام خالد : حياتس الله البيت بيتتس يا ام جوري
وجعت ام خالد عينها على جوري و جود
ما شاء الله كم اعماركن
جوري ببتسامه : 18
ام خالد : ما شاء الله والبنيّه الثانيه
جود : 17
ام خالد : ما شاء الله ، الله يخليهم لتس يارب
الا بتسكنون هنا ؟
ساره بهمس لنهى : بناتها حلوات
نهى : اي ما شاء الله بذات الصغيره
ساره : قومي طقت كبدي خلينا نسولف بالمطبخ
وافقتها نهى وبصوت جهوري : يمه بنروح المطبخ نركب القهوه
بيت ابو سليمان :
ماني مصدقه بكل برود جاينا !!!
نوره : والله لو ابوي شاف هالموقف لا يموت منه الحمدلله ربي خذاه قبل يشوفه
سهام : بجيح اخوكم
منال بغضب : اسكتي لا اسمع حسك انتي تحسبين بنسى لك الفشيله !!!
رمقت سهام منال بنظرات غير مباليه ودخلت الغرفه
نوره : وش بنسوي الحين والله لا ينشب لنا عالطالعه والنازله
منال : الحمدلله اني بتزوج
في بيت ابو فيصل | عند المغاسل
فيّاض بنبره حاده : مرتك ولدت بالمستشفى ماودك تزورها ؟
توسعت عين فيصل وطالع فيّاض : وش تقول
فيّاض وعينه توجهت لعين فيصل : مرتك ولدت بالمستشفى ماودك تزورها ؟
أنت تقرأ
بحارب حتى تعود املاكي حره
General Fictionنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
