بعد 3 ايام ..
في لندن |
تلعب بشعرها وفي راسها 100 سؤال
ليه هو دايم وراي ؟ معقول يحبني ؟
قطع حبل افكارها رنة الجرس
قامت بعكازها تفتح الباب
كان واقف ببتسامه مزيّفة : صباح الخير ، جبتلك فطور
نوير من ورا الباب : مايحتاج شبعانه
تنهد تركي : ليش تصدين عني
نوير : لو سمحت اتوقع انك تعرف ديننا زين وتعرف وش اللي مفروض مايصير واللي قاعد تسويه معي اكبر غلط وانا ما بسمح لك تحوم حولي اكثر
تركي بحزن : بس انا تعلقت فيك وحبيتك
احد يحب وهو مايعرف اللي يحبه مايعرف طبايعه !
كفايه انك قدام عيوني تتعالجين وبكل مره افتخر فيك وكيف قاعده تناظلين عشان تصيرين بخير وكانك اعظم شي فحياتي
لامس قلبها بهالكلام وحست ان قلبها بدء يخفق
نويّر بتردد : اليوم رحلتي ع السعوديه
تركي : ادري ، حجزت معتس تحسبين بخليتس
نوير : كيف تعرفني ، انت من حايل؟
تركي : ايه
توترت وقفلت الباب بدون ترد عليه
رجعت على السرير بتوتر وابتسامه خفيّه
المستشفى |
دق الباب قامت نهى تفتح
دخلت ام خالد ببتسامه : هلا يمّه كيفتس الحين سويت لتس شربه زينه تقوي عظامتس
ابتسمت ساره بألم : ماقصرتي والله يا خاله
نهى : اخص وش هالدلع يمه انا ماسويتي لي كذا
ام خالد رمقت نهى بنظره حاده
نهى : امزح امزح
ام خالد بجديه : يمه ساره كيف سويتي مع التعب؟
ساره : الحمدلله ازين من قبل
ام خالد بتردد : لو خطبتك ل خالد توافقين؟
توسعت عين ساره باستغراب : ش..شلون يعني
ام خالد : ودي ازوجتس واحد من عيالي وتكونين مننا وفينا وتعيشين معنا
مب ازين لك من اللي يسمون نفسهم اخوانتس
كان يسمع حديثهم و بمقاطعه : معليتس يمه انا خاطبها لي
ام خالد باستغراب : ماهر من متى موجود
ماهر : توي جاي
ام خالد ناظرت في ساره و بهمس : صح؟
ساره بانحراج : ايه
ام خالد ابتسمت وبفرحه ياعسى ربي يتمم يااارب
ماهر بينه وبين نفسه : ليه اخطبها وانا قلبي مو معها؟
تنهد ماهر وحط الاغراض ومشى
قابل خالد بالطريق استوقفه خالد وهو يقول : وشبك تهوجس
ماهر ببرود : ولا شي وش صار الحين على السملق
خالد : طلع الوسطاني اللي ضاربها والكبير مسافر شغل
اما الصغير كان ضايع بينهم
مسك ماهر يد خالد و بحده : ما بترجع لهم ، صح؟
خالد : للحين ما ادري يا ماهر
ماهر : انا خطبتها واخذت موافقتها
خالد كان متوقع هالشي وببرود : الله يتمم لكم
ماهر : الزواج بعد اسبوعين ومهرها رايح اجيبه
خالد : وشبك مستعجل انت لاتنسى ان بعد اسبوع زواج اماني
ماهر بعدم اهتمام : مب شغلي بعد اسبوعين الزواج وابيه بيننا
خالد : الله يكتب اللي فيه الخير رح نم انت الحين
مشى ماهر وهو خايف انه يظلمها وهو بقلبه سهام للحين
لكن كبريائه ما يسمح له يرجع لها
ولع دخانه وبخطوات بطيئه لسيارته
تنهد وهو يستوعب كمية الظلم اللي بتصير لساره
والشيء الوحيد اللي متاكد منه انه راح يحميها من اخوانها
أنت تقرأ
بحارب حتى تعود املاكي حره
General Fictionنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
