اليوم المُنتظر | زواج اماني و معن
كان الكل صاحي بدري وتجهيزات و كوفيره
في الشمليّ|
تكفى لاتعلمهم بسوي مفاجأه
نايف : زين ، انتي متى طيارتك؟
نوير : بعد شوي الظهر
نايف : مداك تتجهزين للعرس؟
نوير : ايه اكيد
نايف : يلا اجل بروح اساعدهم
كانو يتجهزون وكانت عهد اللي ماسكه كل شي
من قاعه ومن ترتيبات
وعلى كلام اماني انها تبي شيء بسيط
محسن : العريس وين
نايف : بالحلاق
محسن : زين انا رايح اشوف تجهيزات العشاء للرجال
عهد : وين رايحح
محسن : بشوف عشاء الرجال
عهد : اصبر خذني على موقق
محسن : صاحيه انتي
عهد : الكوفيره ما اكدت حجزي وطار
بروح هناك مع البنات اتجهز مكياجي مو كامل
وداها محسن بقلة حيله
وصلو لموقق ونزلت
سلمت على البنات وتجهزت معهم
الساعة 3:00 م | حايل
والله مدري يا سعود قلبي يقول شي و عقلي شيء
سعود : ليه تتزوج وحده ماتبيها ترا انت دفش بتكسر بخاطرها
ماهر بنظره حاده وهو يهبده على كتفه : اسكت
سعود : ياخي صدق والله يا انك تتزوجها وتصونها و تحبها يا دز
ماهر تنهد : شفتها يا سعود شفت عيونها و ندمها و حبها
سعود : عجوز قريح اسحب عليها
ماهر جاء بيهبده بس فز
ماهر : كيف عرفت اني بصفقك
سعود بكياته : تعجبني تحركاتو
ضحك ماهر وهو زمان ما ارتسمت ملامح السعاده عليه
قام ماهر وهو بيتجهز لزواج اخته
فياض : هاه مشينا؟
ماهر : خذيت لنا قهوه
فياض : اي حطيتها بالسياره
ماهر سلم على سعود وودعه ومشو ل موقق
في موقق | غرفة البنات
كانت الميكب ارتست تزبط اماني عشان تلحق عالتصوير
بينما البنات مشغلين اغاني و يرقصون
عهد : ما شاء الله عليتس يا ساره كل ماشوفك تحلوين
ضحكت ساره باحراج : تسلمين
نهى هبدت ساره : مسويه نفسها تستحي الضفعه
ساره بألم : احافظ على الكاريزما حقتي
حياة : حقتييييي بنت مكههه ، صار فيه 2 اماني
ضحكت نهى و اماني تتوعد في حياة وهي ثابته عشان ماتخرب الميكب
تجهزو البنات وكانو عرايس
بينما ساره كان ضايق خاطرها ولا اهتمت بشكلها مع ذلك جمالها كان طاغي
الساعه 6:30 م |
بدت عهد تشيك على اللمسات الاخيره و بتنهيده : ليت نوير معنا
نهى : الله يقومها بالسلامه يارب
كملت عهد تشوف الترتيبات
وكان الكل جاهز ومستعد ومو ناقص الا المعازيم
الباب الامامي للبيت |
دخلت بعكازها بخطوات بطيئه وهي تدور اي احد تعرفه
حياة كانت ماره واستغربت وهي تقرب منها : اهلا وسهلا
نوير بهمس : حيياااة وحشتيييينييي
حياة توسعت عينها وابتسمت وبصراخ : نويييرر
صفقتها نوير وهي تقول : اسكتي يا فضيحه وين عهد
حياة بضحكهً: جوا
نوير : اسمي بسوي لها مفاجاه حاول تلهينها
حياة : امشي الغرفه طيب
دخلو الغرفه وسلمت على ساره و اماني
ساره : امشي انا عندي خطه
وقفت نوير ورا الباب
بينما ساره اقنعت عهد توقف عند الممر عشان يسوون بروقه للفرست لوك
اماني : اي خليك ثابته لا تلفين
مشت نوير بدون صوت وصارت ورا عهد
اماني : يلا اذا حطيت يدي على كتفك لفي
حطت نوير يدها على عهد وعيونها دموع
لفت عهد ببتسامه لين تحولت لصدمه طالعت من حولها وماهي ثواني الا انهار من دموعها تنزل
حضنت نوير وقعدت تحمد الله بفرحه و بشهقاتها المختلطه مع شهقات نوير
الساعه 10:15 م |
بدو المعازيم يحضرون وكانت المطربه موجوده
ورقص ووناسه
نهى بتردد : ساره ماهر يبيك
ساره زفرت : وش يبي!!! ياخي ماتزوجنا لسا مانب جايه
نهى : مدري وشبه علمته بس كانت نظراته حاده ومعصب روحي قبل يقلب الدنيا
لفت ساره الشيله على شعرها
وقفت من ورا الباب وهي تقول : وش تبي
ماهر : ماني نهى انا ، تكلمي معي زين
تنهدت ساره : الحين ليش تناديني وكأننا تزوجنا وصرت حلالك ؟ ترا حرام اللي تسويه
ماهر : ماجيت محبه فيك ولاني ميت عليك جيت اقولتس ان دوامي يبدء بعد 3 ايام و بكون مشغول ، عشان كذا قبل اروح دوامي بيوم بنكتب الكتاب
ساره بصدمه : تستهبل!!! ماجهزت شي لا فستان ولا شي
ماهر : مولازم الناس تعرف اهمشي بين العائله
ساره : اللي تبي
ماهر تنحنح وهو يقول : سهام حضرت الزواج
عصبت ساره وبانفعال : وش دخلني فيها ؟ ليه تسالني عنها ؟ رح اسالها
قفلت الباب بغضب
عقد حواجبه بصدمه : وش قلت انا
في غرفة العروسه | كانت عيون معن تدمع وهو يشوف اخته قدام عيونه بعد غياب 3 شهور
اما محسن و نايف من يوم سمعو انها موجوده وهم ينتظرون شوفتها
اما اللي ساكنه في يسار صدره كان مشتاااق لصوتها
معن : يابعد قلبي انتي ليه نحفانه ماتاكلين ؟ اجيبلتس اكل
نوير : ياحبيبي يا معن والله اني كويسه واكل كويس لا تشيل هم
عهد : الحمدلله على سلامتك
نوير : الله يسلمك
لفت نوير على اماني وهي تقول بصوت جهوري : هالله هالله يا معن ببنتنا
معن بصدمه : وش قصدتس
اماني بضحكه : معليكِ
عهد : ايه كفو صيري مسيطره
فصو وهو يبكي ركض بحضن معن : بابا اخذو حلاوتيييي
معن : ياعيون ابوك انت منهو ذا
فصو : خالي سالم
معن وهو يمسح دموعه : معليه يبابا معليه
كانت نظرات عهد لمعن و فصو نظرات حنان و حب
وكان الكل مبتسم على هالموقف اللطيف
في بيت ابو سليمان |
بعد اللي صار تبيني احضر!!!
نوره : لا بس يعني الحين بتشوف نفسها قويه عليك
سهام : والله مايعدي زواجهم على خير
نوره بصدمه: اقول هي انتي تراتس زودتيها
سهام : ماكون بنت فهد ان ماخليته يندم على زواجه فيها
تنهدت نوره وهي تقول : مانتب صاحيه الله يستر منتس بروح انام
أنت تقرأ
بحارب حتى تعود املاكي حره
General Fictionنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
