اليوم الثاني |
صحو اهل البيت وقاعدين يجهزون الفطور
قام من الازعاج ومن اصواتهم وهو قرفان
ام خالد : قوم حبيبي الفطور جاهز
زفر ماهر بضيق و راح يغسل وجهه وهو مايشوف قدامه
جلسو كلهم على الفطور وكانت اماني و نهى وام خالد مع ساره يفطرون و يحاولون يفهمون وش صار معها امس
ام خالد بحنيّه : كلي يمه من يوم جيتي ما تاكلين زين
ساره : يعطيس العافيه ياخاله والله ادري تعتبكم معي ووجودي قاعد يضيق البيت بس مابطول ان شاء الله
ام خالد عقدت حواجبها : وش هالكلام زيتس زي بناتي بعدين يبنتي كيف تروحين وابوتس مخليتس امانه عند ولدي
ساره : مو مكاني هذا يا خاله بحاول اخذ لي شقه
ام خالد حطت يدها على صدرها : يمه بسم الله لا والله ما خليتس ولا بخاطر فيتس
تنهدت وهي تقول
في جناح زوجي و طبينتي تاخذينه وتقعدين فيه
ساره انحرجت وهي تقول مايحتاج والله يا خاله
ام خالد : مره ولا ابي اسمع منك كلمه الجمعه عندنا ملكة ولدي فيصل الكبير
و بتحضرين وتتجهزين معنا احتاجتس
نهى ل اماني : كأن ام خالد تبرت مننا؟
ام خالد ضربت نهى بالعصايه
نهى : اححح ، والله يا اني تمحطت من ذي العصايه الله المستعان
ضحكت ساره وهي تقول : حتى امي كانت تضربني كذا
تلاشت ابتسامتها ونزلت راسها
وغيرت ام خالد الموضوع بسرعه : اليوم العصر بنروح ترا للسوق تجهزن
نادى خالد امه من الباب
طلعت ام خالد : وش فيك يمه
خالد اعطاها كيس وهو يقول : هذا للبنيّة جوالها انكسر وقت الحادث
ام خالد قعدت تدعي لخالد
خالد : الله يخليك يمه
راحت ام خالد لساره واعطتها الجوال
ساره بضيق : ليش تكلفون على نفسكم كذا
ام خالد قلتلس انتي بنتي و تعتبرين اخت خالد
نهى : يالمحظوظهه
ام خالد : انطمي لا تعطينها عين
عند العيال |
كانو جالسين يفطرون
جلس خالد يكمل فطوره
سالم : فيصل وش صار متى بتجهز للملكه ؟
فيصل : والله مادري ياخوك ماتشوفني هالفتره مالي حس
قاعد اجهز البيت مع العمال
خالد ناظر ماهر اللي ياكل بصمت : وش فيك انت
فيّاض تنحنح وهو يقول :
ترا راعي الهوى مفضوح
صحيح النظره ماتكفي
فهم سالم قصد فيّاض وكمل وهو يقول
من الالام ما تكفي
ومات من الضحك
ماهر صفق فياض بعلبة المناديل وهو يقول : مايضحك يالخايس
ضحك خالد : الكلام لكم كلكم البيت ذا محد يدور فيه زي مايبي لا تضيقون خلق البنت اكثر
ماهر بفضول : هي وش تسوي عندنا؟
خالد تنهد وهو يروي له قصتها
تعوّر قلب ماهر عليها و حن وبحسن نية : يابعدي والله
فياض وسالم : ماقدرو يمسكون نفسهم اكثر من كذا وماتو ضحكك
ماهر قام بيلحق فياض اللي حط رجله
اما سالم مستسلم ومنصرع من الضحك
اندق الباب |
راحت تفتح بفضول
سلم عليهم وتطمن واعطاهم الكرت
سهام : مين بيتزوج
فيصل : انا هذا كرت يوم ملكتي بيكون بالبيت
سهام باركت لفيصل وهو كان كل فتره يمر عليهم يتطمن
قفلت الباب وهي فرحانه ان ماهر بيشوفها بكامل اناقتها
قامت نوره ومنال و بشّرتهم وكانو مبسوطين له
دخلت الغرفه وقفلت الباب
وكانت متردده تتصل او لا
اتصلت وسمعت : الو
منال : كيفك
مشعل : يا فديت هالصوت اي والله ذا الصباح الزين
منال انحرجت وقالت : للحين موضوع الخطبه ببالك؟
مشعل انصدم : اي اكيد
منال : بعطيك رقم ولد عمي تدبر معه الموعد
مشعل : بذمتسسس!! بتصيرين لييي
منال : انتبه لا اغير رايي
مشعل : تم تم اليوم اكلمه
منال : لالا زواجه قريب بيتقروش
مشعل : تمام زين
قفلت من عنده وقلبها يرفرف من الفرحه وكانت جريئه لاول مره بعد ٥ سنوات
أنت تقرأ
بحارب حتى تعود املاكي حره
General Fictionنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
