في حايل |
كل وحده تشيل اغراضها وتتاكد انها شالت كلشي
ما نبغى ننسى شي
نورة جلست بهدوء
سهام : وشبك ؟
نورة : يعني الحين بنسكن هناك ولا كأن شي صار
منال ببرود : تبين تقعدين هنا وش تسوين ؟
ترا موقق ديرتنا و الناس اللي فيها اهلنا
هنا مالنا احد
سهام : لاتشيلين هم يانورة ان شاء الله كل وحده فينا تشوف نصيبها ونعيش حياة حلوه
نورة زفرت وقامت تكمل اغراضها
فكري على راحتتس وردي لي ابد لا تتسرعين
اماني : ما مرت سنة على وفاة ماجد
فيصل تنهد : انتي عندك طفل ويحتاج يعيش شعور الابوه حتى لو ماكان ابوه
اماني : ماقدر يا فيصل ماقدر
فيصل : انتي تعرفين زين اني ما بغصبك ولا بفرض رايي عليتس لكن الرجال شال خواته واخوانه من وهو شباب صرف عليهم وتحملهم والرجال كفو و مزيون وش تبين اكثر من كذا ؟
اماني بكت وهي تفكر بماجد وحايره ب فيصل الصغير : عطني وقت افكر و ارد لك
فيصل : على خير
يوم الخميس | الصباح
قامو كلهم وكان نايف راجع من السفر
كانت تحضر نويّر الفطور وهي مروقه وتغني
دخل معن : الله الله وش هالصوت العذب
نوير ابتسمت : صح النوم يعيوني
معن : صح بدنك وين اخوانتس
نوير : عهد نايمة والباقيين نايمين
معن باحراج : انا اقدمت على شي
نوير عقدت حواجبها وتركت اللي بيدها وجات قدامه : عسى خير ؟
معن : خطبت اخت فيصل منه
نوير بفرحة : صادققق؟؟؟
معن : اي والله
نوير : عسى الله يوفقك يارب ويسعدك ياروحي انا
معن : امين يااارب عقبالتس
فالمطبخ |
كانت نهى و ام خالد يجهزون الفطور
دخل عليهم فيصل : يا صباح الخيير
ام خالد : يا هلا بوليدي ياهلا
فيصل : كيف سويتي يام خالد عساتس احسن؟
ام خالد : زينه الحمدلله
فيصل : الحمدلله يارب
نهى كانت تطالع فيه بنظرات القفطه : اعترف وش قلت لاماني
فيصل : قلت لها بخطبتس لمعن
ام خالد : العنزي ؟
فيصل : ايه
ام خالد : ما شاء الله الله يكتب اللي فيه الخير لو انها من نصيبه بياخذها غصب وانت يا فيصل ما ودك اخطب لك؟
فيصل ضحك : وش فيكم تبون تفتكون مني
ام خالد صقعت كتفه : وش هالكلام بس ماودك تكون لك عيال و زوجة تكون معك بالايام الحلوه والمُره
فيصل : على خير
ام خالد : البنيّة موجوده بس انت عطنا خبر
فيصل و نظره على الشاهي يحط له سكر : منهي ؟
ام خالد : عهد اخت معن
فيصل : حلوه ذي خذ اختي واخذ اختك
نهى ضحكت
ام خالد : وش فيها البنت بالله وش رايتس فيها يا نهى
نهى : والله عسل ما شاء الله جمييييلة شعرها ناعم يهبل
دخل خالد : منهي ذي ابيها
نهى وهي تضحك : خطيبة فيصل
خالد : فيصل ما يبي زواج عطوني ياها انا وحيد
فيصل : يبن الحلال انت لا زوجناك ما بتعقل بتقروش الحرمه معك
خالد : اجيب لتس ورع علومه غانمه يمه
ام خالد ضحكت : ان شاء الله ياوليدي
خالد ضحك وهو يطالع بفيصل : هيخص يالخايس بتتزوج اجل
فيصل وسع عيونه : وقام بيهبده
خالد : يمهههه خلاص امزح
ام خالد ضحكت و حطت يدها على كتف فيصل : فكر يمه وعلمني
خالد : سمي
خلوني اتكلم لكم عن هالثنائي الغريب : فيصل حنون مره وقلبة رهيّف ويحب اخوانه ولا يحب الغلط طوله ١٨٤ وشعره ناعم اسود على امه الله يرحمها انيق جداً وراقي بتعامله
طبعا عكس عهد اللي تحب تنام وعيونها تفتن وكل همها شغلها و لا زعلت تروح لمحسن و نايف يضحكونها طولها ١٦٠ نحيفة بس جسمها مرسوم
أنت تقرأ
بحارب حتى تعود املاكي حره
General Fictionنبتدي روايتي بـ بيت ابو فيصل وابو معن في حايل واللي كل عائلة عايشه حياتها طبيعي لين يتعرض معن وخواته لحادث ويصادف ماهر وفيّاض اللي انقذوهم ويتورطون بالعزيمة اللي من معن بعد قومتة بالسلامة لتبدء الاحداث
